ممبئی: بھارت اور آسٹریلیا کے درمیان 3 میچوں کی ون ڈے سیریز کا آغاز آج یعنی 17 مارچ 2023 سے ہونے جارہا ہے۔ بھارتی کرکٹ ٹیم تقریباً دو ماہ بعد ون ڈے فارمیٹ میں کوئی میچ کھیلے گی۔ ٹیم انڈیا نے اپنا آخری ون ڈے میچ نیوزی لینڈ کے خلاف 24 جنوری 2023 کو اندور میں کھیلا تھا۔ بھارت نے یہ میچ 90 رنز سے جیتا تھا۔ بھارتی ٹیم نے دو ماہ قبل ہوم گراؤنڈ پر نیوزی لینڈ اور سری لنکا کو ون ڈے اور ٹی 20 انٹرنیشنل سیریز میں شکست دی تھی۔ دوسری طرف آسٹریلیا نے نومبر 2022 میں اپنے گھر پر انگلینڈ کے خلاف 3-0 سے کامیابی حاصل کی۔
سیریز کا پہلا میچ ممبئی کے وانکھیڑے اسٹیڈیم میں کھیلا جانا ہے۔ شریاس ائیر چوٹ کی وجہ سے ون ڈے سیریز کے لیے دستیاب نہیں ہوں گے۔ روہت شرما خاندانی وجوہات کی وجہ سے پہلا ون ڈے نہیں کھیل سکیں گے۔ روہت شرما کی غیر موجودگی میں ہاردک پانڈیا ٹیم انڈیا کی قیادت کریں گے۔
دوسری جانب آسٹریلیا کا حال بھی کچھ ایسا ہی ہے۔ پیٹ کمنز اپنی والدہ کے انتقال کی وجہ سے آسٹریلیا میں ہیں اور ون ڈے سیریز کے لیے بھارت واپس نہیں آئیں گے۔ ان کی جگہ اسٹیو اسمتھ آسٹریلوی ٹیم کی کمان سنبھالیں گے۔ پہلے ون ڈے میں روہت کی جگہ ایشان کشن اور شبمن گل اننگز کا آغاز کر یں، جب کہ سوریہ کمار یادو کو مڈل آرڈر میں کھیلتے دیکھا جا سکتا ہے۔
بھارتی ٹیم: شبمن گل، ایشان کشن، وراٹ کوہلی، سوریہ کمار یادو/رجت پاٹیدار، کے ایل راہل (وکٹ کیپر)، ہاردک پانڈیا (کپتان)، رویندر جڈیجہ، اکشر پٹیل/واشنگٹن سندر، شاردولدیپ یاکودور ، محمد سراج، محمد شامی/عمران ملک۔
مزید پڑھیں:
