اسلام آباد: انگلینڈ کے خلاف ٹیسٹ سیریز کے لیے پاکستان کرکٹ ٹیم کے اسکواڈ کا اعلان ہونے کے بعد تیز گیند باز حسن علی نے سبھی کھلاڑیوں کو مبارکباد دی اور کہاکہ وہ بھی گھریلو کرکٹ میں سخت محنت کرکے ٹیم میں اپنی جگہ یقینی بنائیں گے۔ حسن علی کے اس پیغام پر آل راؤنڈر شاداب خان نے سوشل میڈیا میں کہاکہ حسن علی کی ذہنیت چیمپیئن جیسے لوگوں کی ہے اور انہیں ہمیشہ اپنی ٹیم کی حمایت اور سخت محنت کرنے کے لیے کہا۔ واضح رہے کہ گزشتہ روز پاکستان کرکٹ بورڈ (پی سی بی) کے چیف سلیکٹر محمد وسیم نے انگلینڈ کے خلاف ٹیسٹ سیریز کے لیے 18 رکنی پاکستانی ٹیم کا اعلان کیا تھا جس میں فواد عالم، یاسر شاہ اور حسن علی انگلینڈ کے خلاف ٹیم میں جگہ نہ بنا سکے۔ Hasan Ali hopeful for comeback after being dropped from Test squad
پاکستان کرکٹ ٹیم کے اسکواڈ میں بابر اعظم، محمد رضوان، عبد اللّٰہ شفیق، ابرار احمد، فہیم اشرف، حارث رؤف اور امام الحق شامل ہیں۔ان کے علاوہ محمد علی، محمد نواز، محمد وسیم جونیئر، نسیم شاہ، نعمان علی، سلمان علی آغا، سرفراز احمد، سعود شکیل، شان مسعود اور زاہد محمود بھی 18 رکنی ٹیم کا حصہ ہیں۔
واضح رہے کہ انگلینڈ اور پاکستان کے درمیان 3 ٹیسٹ میچوں کی سیریز کھیلی جائے گی، پہلا ٹیسٹ میچ یکم دسمبر سے پنڈی اسٹیڈیم میں ہوگا۔
مزید پڑھیں:
یو این آئی
