راجیہ سبھا میں ممبران پارلیمنٹ کی تعداد میں اضافے کے قوی امکانات کے پیش نظر عام آدمی پارٹی جلد ہی راجیہ سبھا سیٹوں کے لیے امیدواروں کے نام کا اعلان کر سکتی ہے۔
خبر رساں ایجنسی اے این آئی کے ذرائع کے مطابق پنجاب کی نو منتخب عام آدمی پارٹی حکومت اسپورٹس یونیورسٹی کی کمان بھی ہربھجن سنگھ کو سونپ سکتی ہے۔Sports University in Jalandhar
اہم بات یہ ہے کہ وزیراعلیٰ بھگونت مان نے جالندھر میں اسپورٹس یونیورسٹی قائم کرنے کا وعدہ کیا ہے۔ عآپ کی جیت کے فوراً بعد ہربھجن سنگھ نے ٹویٹر پر بھگونت مان کو مبارکباد دی تھی۔
ہربھجن سنگھ نے کہا تھا کہ 'عام آدمی پارٹی اور میرے دوست بھگونت مان کو پنجاب کا نیا وزیر اعلیٰ بننے پر مبارکباد۔ انہوں نے چندی گڑھ میں حلف نہ لینے کے فیصلے پر کہا تھا یہ سن کر بہت اچھا لگا کہ بھگونت مان شہید بھگت سنگھ کے گاؤں کھٹکڑکلان میں وزیر اعلیٰ کے طور پر حلف لیں گے۔
ہربھجن نے کھٹکڑکلان گاؤں میں وزیراعلیٰ پنجاب کے حلف کے حوالے سے کہا کہ کیا تصویر ہے۔ مان کے لیے یہ ایک قابل فخر لمحہ ہے۔ انہوں نے لکھا یہ پنجاب میں عآپ کی پہلی جیت ہے۔
واضح رہے کہ پنجاب کے 117 اسمبلی حلقوں میں سے 92 پر عام آدمی پارٹی کو کامیابی ملی ہے۔ پنجاب میں راجیہ سبھا کی پانچ سیٹیں آئندہ ماہ خالی ہو جائیں گی۔
