ہرارے: زمبابوے کے سابق اسٹار کرکٹر ہیتھ اسٹریک کا 3 ستمبر 2023 کی صبح انتقال ہوگیا۔ اس دفعہ ان کی موت کی تصدیق ان کے اہل خانہ نے کی ہے۔ ہیتھ اسٹریک کی موت کے بعد ان کی اہلیہ نیڈین اسٹریک نے سوشل میڈیا پر اپنے شوہر کی یاد میں ایک جذباتی پیغام بھی پوسٹ کیا ہے۔ نیڈین اسٹریک نے فیس بک پر لکھا کہ آج صبح سویرے اتوار، 3 ستمبر 2023، میری زندگی کی محبت اور میرے خوبصورت بچوں کے والد کو ان کے گھر سے فرشتوں کے ساتھ لے جایا گیا جہاں وہ اپنے آخری ایام اپنے خاندان اور قریبی عزیزوں کے درمیان گزارنا چاہتے تھے۔ ان کی اہلیہ نے مزید لکھا کہ وہ محبت اور امن سے بھری ہوئی شخصیت تھی اور تنہا پارک سے باہر نہیں نکلتے تھے۔ ہماری روحیں ہمیشہ کے لیے جڑی ہوئی ہیں، میں آپ کو دوبارہ پکڑوں گی۔
قابل ذکر ہے کہ کچھ ہفتے پہلے اسٹریک کے سابق ساتھی ہنری اولونگا نے سوشل میڈیا پر اسٹریک کی موت کی خبر دی تھی لیکن بعد میں خود اسٹریک اور اولونگا دونوں نے تصدیق کی کہ یہ خبر غلط ہے اور اولونگا نے اپنی پچھلی پوسٹ کے لیے معذرت بھی کی۔ ہیتھ اسٹریک کچھ عرصے سے علیل تھے اور کینسر جیسے موذی مرض میں مبتلا تھے۔ انھوں نے کرکٹ کی دنیا میں 1993 اور 2005 کے درمیان اپنے ملک کی نمائندگی کی۔ زمبابوے کرکٹ کے سب سے بڑے ناموں میں سے ایک اسٹریک کو 2021 میں بین الاقوامی کرکٹ کونسل نے 2018 میں انسداد بدعنوانی کوڈ کی خلاف ورزی کرنے پر آٹھ سال کی پابندی بھی عائد کی تھی۔
یہ بھی پڑھیں:
- آسٹریلیا کے سابق کرکٹر سائمنڈس کا سڑک حادثے میں انتقال
- آسٹریلیا کے لیجنڈ اسپنر شین وارن کا دل کا دورہ پڑنے سے انتقال
زمبابوے کے عظیم ترین کرکٹرز میں سے ایک ہیتھ اسٹریک نے 65 ٹیسٹ میں 216 وکٹیں اور 189 ون ڈے میچز میں 239 وکٹیں حاصل کیں تھی۔ بین الاقوامی کرکٹ سے ریٹائرمنٹ کے بعد انھوں نے کئی بین الاقوامی کرکٹ ٹیم کی کوچنگ کی جس میں زمبابوے، بنگلہ دیش شامل ہیں اس کے علاوہ اسٹریک نے انڈین پریمیئر لیگ کی کچھ فرنچائیز جیسے کولکتہ نائٹ رائیڈرز کے لیے بھی خدمات انجام دیں۔
اپنے کھیل کے دنوں کے دوران وہ ٹیسٹ اور ون ڈے دونوں میں 100 وکٹیں حاصل کرنے والے پہلے زمبابوے کرکٹر تھے۔ وہ 100 ٹیسٹ وکٹوں اور 1000 ٹیسٹ رنز اس کے علاوہ ون ڈے میں 2000 رنز بنانے اور 200 وکٹیں حاصل کرنے والے ملک کے واحد کرکٹر بھی ہیں۔ اسٹریک نے 1993 میں ٹیسٹ اور ون ڈے میں ڈیبیو کیا تھا اور 1999-2000 کے سیزن میں انھیں زمبابوے ٹیم کا کپتان مقرر کیا گیا۔
