روہت شرما نے اب تک سات ٹیسٹ سنچریاں اسکور کی ہیں اور سبھی سنچریز بھارتی سرزمین پر بنائی ہیں جو ایک ریکارڈ ہے۔ اس سے قبل یہ ریکارڈ سابق کپتان محمد اظہرالدین کے نام تھا جنہوں نے بھارتی سرزمین پر 6 سنچریاں بنانے کے بعد بیرون ملک اپنی پہلی سنچری بنائی تھی۔
ویسے عالمی سطح پر یہ ریکارڈ بنگلہ دیش کے کرکٹر مومن الحق کے نام ہے جنہوں نے اپنی پہلی دس سنچری ملکی سرزمین پر بنائی تھی۔
اس فہرست میں دوسرے نمبر روہت شرما کا نام ہے جنہوں نے ابھی 7 سنچری اپنے ملک کی سرزمین پر بنائی ہے جبکہ ایف ایس جیکسن، چندو بورڈے اور مارنس لابیوشین نے پانچ پانچ سنچریاں بنانے کے بعد غیر ملک سرزمین پر سنچری اسکور کی تھی۔
روہت شرما نے سنہ 2019 میں بنگلہ دیش کے خلاف سنچری بنائی تھی اور اب انہوں نے 9 اننگز اور 15 ماہ کے بعد سنچری اسکور کی ہے۔ چنئی میں یہ ان کی پہلی سنچری ہے۔
اس کے علاوہ روہت شرما دنیا کے پہلے ایسے کرکٹر بن گئے ہیں جنہوں نے چار ٹیموں سری لنکا، ویسٹ انڈیز، جنوبی افریقہ اور انگلینڈ کے خلاف کرکٹ کے تمام فارمیٹ میں سنچریاں بنائی ہے۔
واضح رہے کہ انگلینڈ کے خلاف دوسرے ٹیسٹ میچ میں روہت شرما نے 231 گیندوں میں 161 رنز کی شاندار اننگ کھیلی۔
