دونوں ممالک کے درمیان سیریز تیسرے مقابلے کے بعد انگلینڈ کے حق میں 1-2 سے آگے ہے۔ بھارت اورانگلینڈ کے مابین تیسرے مقابلہ میں بھارت کو 8 وکٹس سے شکست اٹھانی پڑی، جب کہ چوتھا اور پانچواں مقابلہ 18 اور 20 مارچ کو کھیلا جانا ہے۔
ہندوستانی کرکٹ کںٹرول بورڈ (بی سی سی آئی) نے گجرات کرکٹ ایسوسی ایشن کے ساتھ ریاستی اور مقامی صحت حکام کے ساتھ طویل بات چیت کرنے کے بعد یہ فیصلہ کیا کہ سیریز کے باقی دونوں میچ اب نریندرمودی اسٹیڈیم میں شائقین کے بغیر کھیلے جائیں گے۔
بی سی سی آئی کورونا کو قابو کرنے کے لئے تمام ضوابط پر عمل کرے گا اور اس کے لئے تمام کرکٹ مداحوں اور شیئر ہولڈرز کی صحت اور حفاظت سب سے اہم ہے۔ کرکٹ بورڈ کے سکریٹری جے شاہ نے اس کے ساتھ یہ بھی بتایا کہ جن لوگوں نے ان تین میچوں یا ان میں سے کسی ایک میچ کے ٹکٹ خریدے ہیں انہیں ٹکٹ کے پیسے واپس کئے جائیں گے اور اس پر جلد ہی عمل درآمد شروع کردیا جائے گا۔
یواین آئی
