آئی سی سی ورلڈ سُوپر لیگ میں آسٹریلیا چھ میچوں میں چار میچ جیت کر چالیس پوائنٹس کے ساتھ سب سے آگے ہے۔ انگلینڈ کی ٹیم چھ میچوں میں تین جیت اور 30 پوائنٹ کے ساتھ تیسرے نمبر پر جب کہ بھارت نے اب تک اس سیریز میں تین میچ کھیلے ہیں اور وہ صرف ایک میں جیت حاصل کرسکا ہے۔ بھارت نو پوائنٹ کے ساتھ ٹیبل میں دسویں نمبر پر ہے۔ بھارت کا ہدف اس سیریز میں جیت حاصل کرکے اپنی جگہ کو یقینی کرنا ہوگا۔
بھارتی ٹیم نے ٹیسٹ سیریز میں پہلا میچ ہارنے کے بعد اور اسی طرح ٹی۔20 سیریز میں پہلا میچ ہارنے کے بعد میچ میں زبردست واپسی کی تھی۔ انگلینڈ کے ون ڈے کپتان ایان مورگن کا خیال ہے کہ ان کی ٹیم کو اپنی کارکردگی میں تسلسل کو برقرار رکھنا ہوگا۔ مورگن نے پہلے ون ڈے سے قبل شام کو کہا کہ "ہم نے 2019 میں ورلڈ کپ جیتنے کے بعد سے ون ڈے میں اپنی کارکردگی میں تسلسل کو برقرار نہیں رکھا ہے اور ہماری کارکردگی اوسط رہی ہے۔
