انگلینڈ کے تیز گیند باز مارک ووڈ اپنے دائیں کندھے میں لارڈز میں دوسرے ٹیسٹ کے دوران چوٹ لگنے کی وجہ سے بھارت کے خلاف لیڈز میں ہونے والے تیسرے ٹیسٹ سے باہر ہو گئے ہیں۔
ووڈ لیڈز ٹیسٹ کے لیے اعلان ٹیم میں برقرار رہیں گے لیکن ریہیبلی ٹیشن سے گزریں گے۔ ووڈ کی لیڈز میں تیسرے ٹیسٹ کی تکمیل کے بعد جانچ کی جائے گی۔
ووڈ نے لارڈز میں دوسرے ٹیسٹ میں پانچ وکٹیں حاصل کئے۔ انہیں اننگ کے 74 ویں اوور میں رشبھ پنت کے شاٹ کو باؤنڈری سے باہر جانے سے روکنے کی کوشش میں ڈائیو لگاتے ہوئے دائیں کندھے میں چوٹ آئی تھی۔ فزیو جانچ کرانے کے بعد ووڈ چوتھے دن میدان سے باہر رہے تھے۔ اگرچہ انہوں نے پانچویں دن ہندوستان کے نچلے آرڈر کے بلے بازوں کو چار اوورز ڈالے تھے۔
یہ بھی پڑھیں: افغانستان اور پاکستان کے درمیان یک روزہ سیریز ملتوی
بھارت نے دوسرا ٹیسٹ 151 رنز سے جیت کر پانچ میچوں کی سیریز میں 1-0 کی برتری حاصل کر لی۔ تیسرا ٹیسٹ 25 اگست سے کھیلا جانا ہے۔
انگلینڈ نے اپنے کچھ اہم کھلاڑیوں بین اسٹوکس ، اسٹورٹ براڈ ، کرس ووکس اور جوفرا آرچر کی کمی کی وجہ سے مختلف وجوہات کی بنا پر تیسرے ٹیسٹ کے لیے تیز گیند باز ثاقب محمد کو ٹیم میں شامل کیا ہے۔
