ممبئی: نوجوان آل راؤنڈر ایلیس کیپسی (3 وکٹ، 34 رن) کی آل راؤنڈ کارکردگی کی بدولت دہلی کیپٹلس نے منگل کو ویمنز پریمیئر لیگ (ڈبلیو پی ایل) میں یوپی واریئرز کو پانچ وکٹوں سے شکست دی۔ تہلیا میک گرا (ناٹ آؤٹ 58) کی طوفانی نصف سنچری کی بدولت یوپی واریئرز نے پہلے بیٹنگ کرتے ہوئے 20 اوورز میں 138 رنز بنائے۔ کیپٹلز کو پوائنٹس ٹیبل پر سرفہرست رہنے کے لیے 19.4 اوورز میں ہدف حاصل کرنا تھا لیکن میگ لیننگ کی ٹیم نے 17.5 اوورز میں کامیابی حاصل کرلی۔ گیند کے ساتھ تین وکٹ لینے والی کیپسی نے 31 گیندوں پر چار چوکوں اور ایک چھکے کی مدد سے 34 رنز بنائے۔ ان کا ساتھ دیتے ہوئے ماریزان کاپ نے 31 گیندوں پر ناٹ آؤٹ 34 رنز بنائے اور دونوں کے درمیان 60 رنز کی شراکت قائم ہوئی۔ کیپسی ہدف تک پہنچنے سے پہلے ہی آؤٹ ہوگئیں ۔ لیکن کاپ نے فتح کا چوکا لگاکر کیپٹلز کو فائنل تک پہنچا دیا۔
کیپٹلز نے لیگ مرحلے کے اختتام پر پوائنٹس ٹیبل پر سرفہرست رہ کر ڈبلیو پی ایل کے فائنل کے لیے کوالیفائی کر لیا ہے، جبکہ واریئرز کا فائنل میں جگہ کے لیے ڈبلیو پی ایل ایلیمنیٹر میں ممبئی انڈینز کا مقابلہ ہوگا۔ اس سے قبل کیپٹلس نے ٹاس جیتنے کے بعد بالنگ کرتے ہوئے کیپٹلس نے وارئیرز کو زیادہ وقت تک دباؤ میں رکھا لیکن میک گرا نے آٹھ چوکوں اور دو چھکوں کی مدد سے 32 گیندوں پر 58 رنز کی ناٹ آؤٹ اننگز کھیل کر ٹیم کو باعزت اسکور تک پہنچا دیا۔ جب میک گرا بیٹنگ کے لیے آئیں تو واریئرز کا 10 اوورز میں دو وکٹ پر 63 رن کا اسکور تھا۔ اوپنر شویتا سہراوت نے 12 گیندوں پر چار چوکوں سمیت 19 رنز بنائے جبکہ کپتان ایلیسا ہیلی 34 گیندوں پر 36 (چار چوکے، ایک چھکا) بنا کر آؤٹ ہوئیں۔
میک گرا کے کریز پر آنے کے بعد، کیپٹلز نے سمرن شیخ (11)، کرن نوگیرے (دو)، دیپتی شرما (تین) اور سوفی ایکلسٹن (0) کو چھوٹے اسکور پر آؤٹ کرتے ہوئے میچ پر قبضہ کرلیا۔ بار بار گرتے وکٹوں کے درمیان میک گرا نے جارحانہ بلے بازی سے واریئرز کی اننگز کو آگے بڑھایا۔ انہوں نے 14ویں اوور میں دو چوکے لگاکر اروندھتی ریڈی کے خلاف 14 رنز جوڑے، حالانکہ واریئرز 16 اوور میں صرف 94 رنز ہی بنا سکی۔ ایلیس کیپسی نے 18ویں اوور میں بغیر کوئی رن دیے دیپتی اور ایکلسٹن کے وکٹ لے کر واریئرز کی مشکلات میں اضافہ کیا۔ اس دوران میک گرا نے باؤنس بیک کرنا جاری رکھا اور اپنی نصف سنچری تک پہنچنے سے پہلے آخری دو اوورز میں 33 رنز جوڑے۔
کیپسی کیپٹلز کے لیے سب سے زیادہ وکٹ لینے والی کھلاڑی تھیں، جنہوں نے آخری اوور میں میک گرا کے اسٹرائیک کے باوجود تین وکٹ حاصل کئے اور چار اوورز میں صرف 26 رنز دیے۔ رادھا یادو (4 اوور، 28 رنز) نے دو وکٹ حاصل کئے، جب کہ جیس جانسن (4 اوورز، 24 رنز) کو ایک کامیابی حاصل ہوئی۔ کیپٹلز کے لیے اننگز کا آغاز کرنے والی میگ لیننگ اور شیفالی ورما نے پہلے وکٹ کے لیے 28 گیندوں پر 57 رنز جوڑ کر واریئرز کو تقریباً میچ سے باہر کر دیا۔ شفالی 16 گیندوں پر 21 رنز بنا کر آؤٹ ہوئیں، حالانکہ لیننگ نے پچ پر تھوڑا زیادہ وقت گزارا۔ لیننگ نے 23 گیندوں پر پانچ چوکوں اور دو چھکوں کی مدد سے 39 رنز بنائے جبکہ شبنم اسمعیل نے ساتویں اوور میں لیننگ اور جمائما روڈریگز (تین) کے وکٹ لے کر واریئرز کو راحت پہنچائی۔
یہ بھی پڑھیں: Mumbai Indians Win خواتین آئی پی ایل2023:ممبئی نے جیت کے ساتھ لیگ مرحلے کا اختتام کیا
ٹاپ آرڈر کے بلے بازوں کے وکٹ گرنے کے بعد واریئرز کے پاس واپسی کا موقع تھا لیکن کیپسی کی شروع سے ہی بیٹنگ نے ان کی امیدوں پر پانی پھیر دیا۔ کیپسی نے اپنی ابتدائی 17 گیندوں پر 28 رنز بنا کر کیپٹلز کو 12 اوورز میں 105 تک پہنچا دیا۔ تاہم ٹیم کے محفوظ مقام پر پہنچنے کے بعد کیپسی کی رفتار سست پڑ گئی۔ انگلینڈ کی 18 سالہ بلے باز اگلی 14 گیندوں پر صرف چھ رنز جوڑنے کے بعد ہم وطن ایکلسٹن کا شکار ہو گئے۔ کیپٹلز نے ہدف تک پہنچنے سے پہلے ہی جانسن کی شکل میں ایک اور وکٹ گنوا دیا لیکن 18ویں اوور کی پانچویں گیند پر کاپ کے چوکے نے ان کی جیت کو یقینی بنا دیا۔ ڈبلیو پی ایل کا فائنل 26 مارچ کو کھیلا جائے گا جہاں کیپٹلز کا مقابلہ واریئرز یا ممبئی سے ہوگا۔
یو این آئی
