سڈنی: آسٹریلیا کے سلامی بلے باز ڈیوڈ وارنر بال ٹیمپرنگ کے الزام میں تاحیات کپتانی کی پابندی کے تناظر میں کرکٹ آسٹریلیا کے سربراہ نک ہاکلے سے ملاقات کریں گے۔ غور طلب ہے کہ سنہ 2018 میں جنوبی افریقہ کے خلاف ٹیسٹ سیریز کے دوران بال ٹیمپرنگ کے الزام میں تین آسٹریلوی کرکٹرز، اس وقت کے کپتان اسٹیون اسمتھ، نائب کپتان ڈیوڈ وارنر اور کیمرون بینکرافٹ پر پابندی عائد کی گئی تھی۔ یہ کیس سینڈ پیپر گیٹ بال ٹیمپرنگ سکینڈل کے نام سے مشہور ہوا۔ جس کے بعد اسمتھ پر کسی بھی قسم کی کپتانی کرنے پر دو برس کی پابندی عائد کردی گئی، جب کہ وارنر پر تاحیات پابندی عائد کردی گئی تھی۔ David Warner Likely to Meet CA Boss to Discuss Lifetime Leadership Ban
وارنر اپنے اوپر عائد پابندیوں کی مدت کی تکمیل کے بعد بعد ٹیم میں واپس آئے اور انہوں نے کئی فتوحات دلائیں، جن میں گزشتہ برس متحدہ عرب امارات میں ٹی ٹوئنٹی ورلڈ کپ کی فتحیابی بھی شامل ہے۔ ان کا رویہ بھی بہترین رہا ہے جس کی وجہ سے ٹیسٹ کپتان پیٹ کمنز سمیت کئی موجودہ اور سابق کرکٹرز نے CA سے وارنر پر کپتانی کی پابندی ہٹانے کا مطالبہ کیا۔
ایرون فنچ کی ون ڈے کرکٹ سے ریٹائرمنٹ کے بعد اب آسٹریلوی ٹیم میں ون ڈے کپتانی کا آپشن کھل گیا ہے۔ وارنر اب کپتانی کا عہدہ سنبھالنے کے امکانات تلاش کر رہے ہیں۔ ٹیسٹ کپتان پیٹ کمنز کو اس کام میں سب سے آگے سمجھا جارہا ہے، جب کہ وارنر بھی اس دوڑ میں ہے، حالانکہ کرکٹ آسٹریلیا نے ان پر پابندی عائد کر رکھی ہے۔
