انگلینڈ نے اب تک تین میچز کھیلے ہیں جس میں سے اسے بنگلہ دیش اور جنوبی افریقہ کے خلاف کامیابی ملی اور پاکستان کے ہاتھوں شکست کا سامنا کرنا پڑا ہے۔
وہیں دوسری جانب ویسٹ انڈیز نے تین میچز میں سے ایک میں پاکستان کے خلاف جیت درج کی اور دوسرے میں اسے آسٹریلیا سے ہار کا سامنا کرنا پڑا اور انکا تیسرا میچ جو جنوبی افریقہ سے تھا بارش کی وجہ سے منسوخ ہوگیا۔
تاہم عالمی کپ کے پوائنٹس ٹیبل میں 4 پوائنٹ کے ساتھ انگلینڈ چوتھے اور ویسٹ انڈیز تین پوائنٹس کے ساتھ چھٹے مقام پر ہے۔
واضح رہے کہ ویسٹ انڈیز اب تک دو مرتبہ 1975 اور 1979 میں عالمی کپ کا خطاب اپنے نام کر چکا ہے اور وہیں انگلینڈ کی ٹیم عالمی کپ جیتنے میں اب تک ناکام رہی ہے۔ وہ 1979، 1987 اور 1992 کے عالمی کپ کے فائنل میں پہنچی تھی لیکن اسے شکست کا سامنا کرنا پڑا اور اس کے خواب ٹوٹ گئے۔
