سیریز کے آخری ون ڈے میں جنوبی افریقی خواتین ٹیم پہلے بیٹنگ کرتے ہوئے 50 اوورز میں 201 رنز بناکر آؤٹ ہوگئی۔ لاورا وولوارٹ 5، لیزلے لی 49 اور وکٹ کیپر ٹریشا چیٹی 34 رنز بناکر نمایاں رہیں۔ پاکستان کی جانب سے ڈیانا بیگ نے چار کھلاڑیوں کو آؤٹ کیا۔ نشرہ سَندھو نے دو وکٹیں حاصل کیں۔
ہدف کے تعاقب میں پاکستان خواتین ٹیم 48 اوورز میں صرف 169 رنز ہی بناسکی۔ کپتان جویریا خان 33 رنز کے ساتھ نمایاں رہیں۔ اس طرح تین میچز کی سیریز میں جنوبی افریقہ نے کلین سوئپ کردیا۔ واضح رہے کہ پاکستان خواتین ٹیم دورے پر تین ٹی۔20 میچز بھی کھیلے گی جس کا آغاز 29 جنوری سے ہوگا۔
