میدان میں موجود شائقین بارش کے رکنے کا بے صبری سے انتظار کر رہے تھے لیکن بارش نہ تھمنے کی وجہ امپائرز نے میچ کو منسوخ کرنے کا فیصلہ کیا ہے۔
پاکستان اور سری لنکا کے مابین یہ میچ برسٹول کے کنٹری گراونڈ پر کھیلا جانے والا تھا۔
اندازہ لگایا جارہا تھا کہ بارش رکنے پر کم از کم 20 اوورز کا کھیل ہوگا تاہم بارش کی وجہ سے میچ نہ ہونے کی صورت میں دونوں ٹیموں کو ایک ایک پوائنٹ دے کر میچ رد کر دیا گیا۔
پاکستان اور سری لنکا دونوں اب تک ٹورنامنٹ میں ایک ایک میچ جیت چکے ہیں جبکہ ایک، ایک میں انھیں شکست کا سامنا کرنا پڑا۔
پاکستان کو ٹورنامنٹ کے آغاز میں ہی ویسٹ انڈیز سے شکست ہوئی تھی۔ ناٹنگھم میں کھیلے جانے والے دوسرے میچ میں پاکستان نے انگلینڈ کو 14 رنز سے شکست دے دی۔
سری لنکا کو بھی اپنے پہلے میچ میں نیوزی لینڈ کے ہاتھوں شکست ہوئی تاہم افغانستان کے خلاف اپنا دوسرا میچ جیت کر اپنی پوزیشن بہتر کر لی۔
اس وقت پوئنٹس ٹیبل میں سری لنکا ساتویں اور پاکستان آٹھیوں نمبر پر ہے۔
