ورلڈ کپ میں بھاری بھرکم بیلز کی وجہ سے تنازع پیدا ہونے لگا ہے، اب تک 5 سے زائد مرتبہ گیند اسٹمپس پر لگنے کے باوجود بیلز نہ گرنے کے واقعات رونما ہوچکے جس کی وجہ سے بالنگ ٹیم کو اہم مواقع پر شدید مایوسی کا بھی سامنا کرنا پڑا، جس کی وجہ سے میگا ایونٹ میں شریک اسٹار پلیئرز نے بھی آئی سی سی سے اس مسئلہ کا حل نکالنے کا مطالبہ کیا ہے، تاہم انٹرنیشنل کرکٹ کونسل نے اسے نظر انداز کرتے ہوئے بیلز میں کسی بھی قسم کی تبدیلی کے امکان مسترد کردیا ہے۔
اتوار کو کھیلے گئے میچ میں ڈیوڈ وارنر ان سائیڈ ایج کے باوجود بیلز نہ گرنے کی وجہ سے میدان بدر ہونے سے محفوظ رہے تھے۔ جس پر بھارت کے کپتان وراٹ کوہلی نے بھی اس کو غیرمنصفانہ قرار دیا تھا۔
