تاہم بی سی سی آئی کو حکومت کی طرف سے اصولی منظوری مل گئی ہے اور امارات کرکٹ بورڈ کے ساتھ معاہدے کو حتمی شکل دینے کے لئے تحریری منظوری کا انتظار ہے۔ پٹیل نے اس کی قطعی تاریخ نہیں بتائی لیکن کہا کہ حکومت کی منظوری ہفتے کے آخر میں ہی مل گئی۔
آئی پی ایل کا 13 واں ایڈیشن متحدہ عرب امارات میں 19 ستمبر سے 10 نومبر تک ہوگا اور بی سی سی آئی کے مطابق اس بار آئی پی ایل میں ہر ٹیم کے کھلاڑیوں کی تعداد 24 تک ہوگی۔ اس کے میچ متحدہ عرب امارات کے تین شہروں دبئی ، ابوظبی اور شارجہ میں کھیلے جائیں گے۔ ٹورنامنٹ کا شیڈول ابھی طے نہیں ہوا ہے لیکن تمام آٹھ ٹیموں نے متحدہ عرب امارات کے سفر کے لئے اپنی تیاریوں کا آغاز کردیا ہے۔
بی سی سی آئی نے ٹیموں کو معیاری نظم کا طریقہ کار (ایس او پی) کے بارے میں آگاہ کیا ہے جس پر انہیں ٹورنامنٹ کے دوران عمل کرنا ہے۔ آئی پی ایل نے کھلاڑیوں اور عملے کے لئے سخت جانچ کا عمل شروع کیا ہے جنہیں یو اے ای میں تربیت شروع کرنے سے پہلے کم از کم چار ٹیسٹ پاس کرنا ہوں گے اور ایک ہفتہ کے لئے قرنطینہ میں رہنا پڑے گا۔ آئی پی ایل نے فرنچائز ٹیموں کے ساتھ جانچ کے عمل اور ایس او پی کے ڈرافٹ دستاویز کی تفصیلات شیئر کی ہیں۔ ایس او پی وضاحت کرتی ہے کہ اس 53 روزہ ٹورنامنٹ کے دوران سفر ، قیام اور تربیت کے لئے کیا کرنا ہوگا اور کیا نہیں کرنا چاہئے۔
ٹیموں سے کہا گیا ہے کہ وہ کم سے کم عملے کے ساتھ سفر کریں اور وہ صرف 20 اگست کے بعد ہی سفر کرسکتے ہیں۔ ایس او پی میں آئی پی ایل نے ٹیم کے ممبروں کے اہل خانہ کو متحدہ عرب امارات جانے کی اجازت دے دی ہے لیکن انہیں بایو سیکیور کے ماحول میں رہنا پڑے گا۔ تاہم اس معاملے میں حتمی فیصلہ ہر فرنچائز کا ہوگا۔ آئی پی ایل نے یہ حکم دیا ہے کہ ہر ٹیم کے پاس خطرے کو کم رکھنے اور ٹیم کو کورونا سے آگاہ رکھنے کے لئے فرنچائز کی مدد کرنے کے لئے ایک ڈاکٹر ہونا چاہئے۔
ایس او پی کے مطابق آئی پی ایل نے تمام فرنچائزز کو بتایا ہے کہ متحدہ عرب امارات روانگی سے قبل تمام ممبروں کو دو ٹیسٹ کرانے چاہئیں۔ ورلڈ ہیلتھ آرگنائزیشن (ڈبلیو ایچ او) کے مطابق یہ دونوں ٹیسٹ 24 گھنٹوں کے وقفوں میں کرنا ہوں گے۔ یہ ٹیسٹ اس شہر میں کرانے ہوں گے جہاں متحدہ عرب امارات کے لئے پرواز پکڑنے سے قبل کھلاڑی اور عملہ جمع ہو گا۔ دوسرے ٹیسٹ کی توثیق کم از کم چار دن یعنی 96 گھنٹے بعد ہونی چاہئے جس میں یو اے ای آنے کی تاریخ بھی شامل ہے۔
دونوں ٹیسٹ منفی ہونے پر ہی کھلاڑی اور عملہ فلائیٹ پکڑ سکتا ہے۔ اگر کسی کو انفکشن ہوتا ہے تو اسے حکومت ہند کی ہدایت کے مطابق لازمی طور پر 14 دن کے آئسولیشن میں رہنا پڑے گا۔ اس کے بعد اس شخص کو دو نئے ٹیسٹ سے گزرنا پڑے گا اور اس کا نتیجہ منفی ہونا چاہئے تب ہی وہ متحدہ عرب امارات میں اپنی ٹیم میں شامل ہو سکے گا۔
ٹیم کے متحدہ عرب امارات پہنچنے کے بعد تمام ممبران کا ائیر پورٹ پر ہی ایک اور ٹیسٹ ہوگا جس کے بعد وہ ٹیم کے ہوٹل پہنچیں گے۔ آئی پی ایل ٹیسٹنگ پروٹوکول یہاں سے شروع ہوگا۔ پروٹوکول کے مطابق ہر ٹیم کو لازمی طور پر اپنے ہوٹل میں سات دن کے قرنطین سے گذرنا ہوگا۔ اس ہفتہ کے دوران ہر ممبر کا امتحان تین بار یعنی پہلے ، تیسرے اور چھٹے دن ہوگا۔ ان تمام ٹیسٹ کے نتائج منفی ہونے کے بعد ٹیم اپنی تربیت کا آغاز کرسکتی ہے۔ اس کے بعد ٹیم کے تمام ممبران ٹورنامنٹ کے دوران ہر ہفتے کے پانچویں دن جانچ کرائیں گے۔
آئی پی ایل میں جہاں تک غیر ہندوستانی کھلاڑیوں اور عملے کا تعلق ہے تو انہیں متحدہ عرب امارات میں پہنچنے سے پہلے آخری 96 گھنٹوں کے کورونا ٹیسٹ کے منفی نتائج پیش کرنا ہوں گے۔یہ بھی پڑھیے
راہل دراوڑ کے سامنے گیند بازی کرنا سب سے مشکل تھا: شعیب اختر
چنئی سپر کنگس کے کھلاڑی اور دیگر ساتھی اگست 22 سے یو اے ای نکلیں گے۔
بی سی سی آئی کو وی وو کی سپانسرشپ سے علیحدگی کے بعد کچھ مشکلات کا سامنا ہے، حالانکہ بابا رام دیو کی کمپنی پتنجلی کی جانب سے سپانسرشپ کی بات کی جا رہی ہے۔ لیکن اس پر ابھی کوئی حتمی فیصلہ نہیں لیا جا سکا ہے۔
