عالمی کپ میں چھپی رستم ثابت ہونے والی بنگلہ دیشی ٹیم نے اب تک تمام ٹیموں کے خلاف شاندار کارکردگی کا مظاہرہ کیا ہے اور پوائنٹس ٹیبل میں پانچویں مقام پر ہے۔
شکیب الحسن نے کہا کہ افغانستان کو شکست دینے کے بعد ان کی ٹیم نے سیمی فائنل میں پہنچنے کی امیدوں کو برقرار رکھا ہے اور آئندہ مقابلوں میں بڑی ٹیموں کو شکست دینے کے لیے پوری طرح تیار ہیں۔
انہوں نے کہا کہ بھارتی کرکٹ ٹیم اس وقت دنیا کی سب سے بہترین ٹیم ہے اور اسے شکست دینا کافی مشکل ہے لیکن ہم انہیں شکست دینے کی پوری کوشش کریں گے۔
واضح رہے کہ بنگلہ دیش نے سنہ 2007 میں ویسٹ انڈیز میں ہونے والے عالمی کپ میں بھارتی ٹیم کو شکست دی تھی جس کی وجہ سے بھارت کو پہلے راؤنڈ میں ہی باہر ہونا پڑا تھا۔
بنگلہ دیش کا اگلا مقابلہ 2 جولائی کو بھارت سے ہے اور وہ اس کے لیے بھرپور محنت کر رہی ہے۔
