کرس گیل نے رواں برس فروری میں اعلان کیا تھا کہ وہ عالی کپ کے بعد بین الاقوامی کرکٹ کو الوداع کہہ دیں گے لیکن انہوں نے اپنے ریٹائرمنٹ کے فیصلے پر یوٹرن لیتے ہوئے بھارت کے خلاف منعقد ہونے والی ٹیسٹ اور یک روزہ سیریز میں کھیلنے کی خواہش ظاہر کی۔
واضح رہے کہ بھارتی کرکٹ ٹیم آئندہ ماہ ویسٹ انڈیز کا دورہ کرےگی جہاں وہ ویسٹ انڈیز کے خلاف تین ٹی 20، تین یک روزہ میچوں کی سیریز کے علاوہ دو ٹیسٹ میچ کھیلے گی۔
ٹی 20 سیریز کا پہلا میچ 3 اگست کو، دوسرا 4 اگست اور تیسرا میچ 6 اگست کو کھیلا جائے گا۔
جبکہ تین یک روزہ میچوں کی سیریز کا پہلا میچ 8 اگست، دوسرا 11 اگست جبکہ تیسرا میچ 14 اگست کو کھیلا جائے گا۔
اس کے علاوہ ٹیسٹ سیریز سے قبل بھارتی ٹیم 17 سے 19 اگست تک ایک سہ روزہ میچ میں کھیلے گی۔
دونوں ٹیموں کے درمیان دو ٹیسٹ میچوں کی سیریز کا پہلا میچ 22 سے 26 اگست تک جبکہ دوسرا اور آخری کرکٹ ٹیسٹ میچ 30 اگست کھیلا جائے گا۔
