کولکاتا کے ایڈن گارڈن پر ہونے والے تاریخی ڈے نائٹ ٹیسٹ میچ میں بھارتی کپتان وراٹ کوہلی اپنے ریکارڈز کی فہرست میں مزید ایک ریکارڈ کا اضافہ کر لیں گے۔
بنگلہ دیش کے خلاف دوسرے ٹیسٹ میچ میں وراٹ کوہلی 32 رنز بناتے ہی بطور کپتان پانچ ہزار رنز مکمل کر لیں گے، ایسا کرنے والے وہ ایشیا کے پہلے اور دنیا کے چھٹے کپتان بن جائیں گے۔
کوہلی نے بطور کپتان 52 ٹیسٹ میچوں میں 62.89 کے اوسط سے 4968 رنز بنائے ہیں جس میں 19 سنچری اور 12 نصف سنچریاں شامل ہیں۔
اگر کوہلی پانچ ہزار رنز مکمل کر لیتے ہیں تو وہ دنیا کے چھٹے کپتان بن جائیں گے جنہوں نے بطور کپتان پانچ ہزار رنز مکمل کئے ہوں۔
اس سے قبل جنوبی افریقہ کے سابق کپتان گریم اسمتھ، آسٹریلیا کے سابق کپتان ایلن بارڈر اور رکی پونٹنگ، ویسٹ انڈیز کے سابق کپتان کلائیو لائیڈ اور نیوزی لینڈ کے اسٹیفن فلیمنگ نے ٹیم کی قیادت کرتے ہوئے پانچ ہزار رنز مکمل کیے ہیں۔
