وراٹ ٹیسٹ بیٹنگ رینکنگ میں اپنے دوسرے مقام پر برقرار ہیں لیکن ان کے درجہ بندی پوائنٹس میں اضافہ ہوا ہے جو بڑھ کر 928 ہو گئے ہیں، اسی کے ساتھ وہ آسٹریلیائی بلے باز اسٹیون اسمتھ (931) سے محض تین پوائنٹس کے فاصلے پر ہیں جو کافی عرصے سے نمبر ون پائدان پر قابض ہیں۔
بھارتی ٹیم کی اگلی ٹسٹ سیریز فروری 2020 میں شروع ہوگی جبکہ اس سے پہلے آسٹریلوی بلے باز کے پاس جمعہ سے پاکستان کے خلاف شروع ہونے والے سیریز کے دوسرے ٹیسٹ میں اچھی کارکردگی سے زیادہ ریٹنگ پوائنٹس حاصل کرنے کا موقع ہے۔
بلے بازی کی درجہ بندی میں وراٹ کے علاوہ چتیشور پجارا (791) چوتھے نمبر اور نائب کپتان اجنکیا رہانے (759) پانچویں نمبر پر دیگر ہندوستانی ہیں۔
اوپنر مینک اگروال نے اپنی کارکردگی کی بدولت پہلی بار ٹاپ 10 میں جگہ بنا لی ہے، ان کے 700 پوائنٹس ہیں۔بالنگ رینکنگ میں فاسٹ بالر ایشانت شرما اور امیش یادو نے بنگلہ دیش کے خلاف اپنے شاندار کارکردگی کی بدولت کیریئر کے بہترین ریٹنگ پوائنٹس حاصل کر لئے ہیں۔
ایشانت 716 پوائنٹس لے کر 17 ویں نمبر جبکہ امیش 672 پوائنٹس لے کر 21 ویں نمبر پر ہیں ۔ سرفہرست 10 میں جسپريت بمراه (794) پانچویں نمبر اور آف اسپنر روی چندرن اشون (772) مشترکہ نویں نمبر پر ہیں۔
ٹیسٹ آ ل راؤنڈرز میں لیفٹ آرم اسپنر رویندر جڈیجہ نے اپنا دوسرا مقام برقرار ہے جبکہ اشون پانچویں نمبر پر کھسک گئے ہیں۔ٹیسٹ ٹیم رینکنگ میں بھارت 119 درجہ بندی پوائنٹس کے ساتھ اپنے سرفہرست مقام پر برقرار ہے اور نیوزی لینڈ (109) سے آگے ہے۔ بھارت نے گزشتہ تین ٹسٹ سیریز جیتی ہیں اور عالمی ٹیسٹ چمپئن شپ میں سب سے اوپر ہے۔
