بھارتی کرکٹ ٹیم کے کپتان وراٹ کوہلی اور ان کی اداکارہ بیوی انوشکا شرما نے مسلسل ویڈیو پیغام سوشل میڈیا پر شئیر کرنے کے بعد اب کورونا وائرس سے لڑنے کے لئے پیر کو وزیر اعظم کئیرس فنڈ اور وزیر اعلی راحت فنڈ میں مدد دینے کا اعلان کیا۔
کورونا کی وجہ سےبھارت سمیت دنیا بھر میں ملک متاثر ہوئے ہیں اور ایسے وقت میں کرکٹ اور کھیل کی دنیا کی تمام ہستیاں مدد کے لئے آگے آئی ہے۔ ہندستان میں کورونا کے خطرے کو دیکھتے ہوئے حکومت نے 21 دنوں کے لاک ڈاؤن کا اعلان کیا ہے۔
وراٹ نے اگرچہ کتنے روپے کی مدد دی ہے اس کا انکشاف نہیں کیا۔ قابل ذکر ہے کہ کچھ دنوں پہلے وزیر اعظم نریندر مودی نے ٹویٹ کرکے لوگوں سے شہریوں کی مدد کے لئے آگے آنے کا اعلان کیا تھا۔
وراٹ نے ٹویٹ کر کے کہا کہ میں نے اور انوشکا نے وزیر اعظم کیئر فنڈ اور مہاراشٹر وزیر اعلی راحت فنڈ میں مدد دینے کا فیصلہ کیا ہے۔ لوگوں کو اس قدر پریشان ہوتے دیکھنا کافی پریشان تھا۔ ہمیں امید ہے کہ ہم کسی طرح اس میں اپنا کردار ادا کر سکیں اور لوگوں کی مدد کر سکیں۔
