رینا نے 15 اگست کو ٹیم کے سابق کپتان مہندر سنگھ دھونی کے انٹرنیشنل کرکٹ سے ریٹائر ہونے کے فوراً بعد ہی انٹرنیشنل کرکٹ کو الوداع کہا تھا۔
چوپڑا نے مزاحاً رینا سے یہ کہتے ہوئے اپیل کی کہ وہ شاہد آفریدی بن جائیں۔ واضح رہے کہ آفریدی کرکٹ سے سبکدوشی کے بعد میدان میں واپس آگئے تھے۔
چوپڑا نے اپنے یوٹیوب چینل پر کہا کہ رینا اب زیادہ کھیل سکتے ہیں۔ ابھی انہیں ریٹائرمنٹ لینے کی ضرورت نہیں تھی۔ اس وقت ان کی عمر 33 سال ہے۔ ہاں میں اس بات سے اتفاق کرتا ہوں کہ چوٹ ایک مسئلہ تھی لیکن کون کھلاڑی ایسا مسئلہ نہیں رکھتا ہے۔ سرجری کے بعد وہ فٹ اور مضبوط تھے۔ میرے خیال میں رینا میدان پر واپس آنے کے لیے بے چین تھے۔
انہوں نے کہا کہ دھونی کے معاملے کو سمجھا جا سکتا ہے۔ اگر آئی پی ایل اپریل - مئی میں ہوتا اور اکتوبر - نومبر میں ٹی ٹوئنٹی ورلڈ کپ ہوتا تو دھونی اس ٹیم میں شامل ہو سکتے تھے لیکن ٹی ٹوئنٹی ورلڈ کپ کا التوا دھونی کے ریٹائرمنٹ کی اہم وجہ ہو سکتی ہے۔
چوپڑا نے کہا کہ سچ پوچھیں تو رینا کو ایسی کوئی پریشانی نہیں تھی۔ میں انہیں بتانا چاہتا ہوں کہ آپ آفریدی بن جائیں اور ریٹائرمنٹ سے واپس آجائیں۔ مجھے یقین ہے کہ رینا 2020 اور 2021 کے آئی پی ایل سیزن میں بہتر کارکردگی دکھا کر ٹی 20 ورلڈ کپ میں بھارتی ٹیم میں شامل ہو سکتے ہیں۔ اکتوبر 2021 میں بھارت ٹی 20 ورلڈ کپ کی میزبانی کرے گا۔
