اسٹیو اسمتھ کے مینیجر وارن کریج نے کہا کہ سرجری کے بعد بریسیز میں رہنے کے باوجود اسمتھ نے کھیلنے کی خواہش ظاہر کی اور ممکن ہے کہ کچھ ہفتے بعد وہ کھیلنا بھی شروع کردیں گے۔
انہوں نے کہا کہ ان کا مقصد یہ ہے کہ اسمتھ ای پی ایل کے بعد ورلڈکپ اور اگست میں ہونے والی ایشیز سیریز میں بھی شرکت کرسکتے ہیں۔
یاد رہے بال ٹیمپرنگ معاملے میں پابندی کا سامنا کر رہے اسٹیو اسمتھ کو بنگلہ دیش پریمئر لیگ کے دوران کہنی میں زبردست چوٹ آئی تھی، جس کے بعد انہوں نے ٹورنامنٹ سے واپسی اختیار کی تھی ۔
واضح رہے آسٹریلین کرکٹر اس وقت بال ٹیمپرنگ معاملے پر 12 مہینوں کی پابندی کا سامنا کر رہے ہیں۔
ان کی پابندی 28 مارچ کو ختم ہوگئی جس کے بعد وہ دوبارہ انٹریشنل کرکٹ میں حصہ لے سکتے ہیں۔
خیال رہے 2019 ورلڈکپ 30 مئی سے 14 جولائی تک انگلینڈ میں منعقد ہوگا۔
