سابق بھارتی کرکٹ ٹیم کے کپتان ایم ایس دھونی پر بنی فلم 'ایم ایس دھونی: دا انٹولڈ اسٹوری' کے اہم کردار ادا کرنے والے سشانت سنگھ راجپوت نے اتوار کے روز ممبئی میں اپنے فلیٹ میں خودکشی کر لی۔ پولیس ذرائع نے اس کی اطلاع دی۔ وہ اپنے گھر میں پھانسی کے پھندے سے لٹکے ہوئے پائے گئے اور گھر پر کام کرنے والے ملازم نے پولیس کو جانکاری دی۔ باندرا پولیس معاملے کی جانچ کر رہی ہے۔
ان کی موت پر کھیل دنیا کی ہستیوں نے رنج کا اظہار کیا ہے۔ سچن تندولکر، ویریندر سہواگ، متالی راج سے لیکر بیڈ منٹن کھلاڑی سائنہ نہوال اور بجرنگ پونیہ تک نے سشانت سنگھ راجپوت کی موت پر غم کا اظہار کرتے ہوئے خراج تحسین پیش کی ہے۔
سچن نے ٹویٹ کر لکھا ہے کہ، '' سشانت سنگھ راجپوت کی موت کے بارے میں سن کر حیران اور دکھی ہوں۔ نوجوان اور صلاحیت مند اداکار، ان کی فیملی اور دوستوں کے غم میں ہم ان کے ساتھ ہیں۔ ان کی روح کو سکون ملے۔''
ویریندر سہواگ نے لکھا، '' زندگی نازک ہے اور ہم نہیں جانتے ہیں کہ کوئی کس چیز سے گزر رہا ہے۔ رحم دل ہو۔ سشانت سنگھ راجپوت اوم شانتی''
متالی راج نے لکھا،' صلاحیت مند اداکار سشانت سنگھ راجپوت کے انتقال کی خبر سن کر پوری طرح سے صدمے میں اور ناقابل یقین۔''
آپ کو بتا دیں کہ سشانت سنگھ راجپوت چھ ماہ قبل سے ڈپریشن میں تھے۔ باندرا پولیس کی ایک ٹیم جانچ کر رہی ہے۔ جانچ کے بعد اس معاملے کے بارے میں جانکاری مل پائے گی۔
