بھارتی کرکٹ کنٹرول بورڈ (بی سی سی آئی) کے صدر سورو گنگولی نے آج ملک میں کورونا کے سبب لاک ڈاؤن کے پیش نظرہاوڑہ میں رام کرشن مشن کے صدر دفتر بیلور مٹھ کا دورہ کیا۔
اس ادارے کو تقریبا 2000 کلو چاول کا عطیہ کیا ، جس نےکورونا کے پیش نظر ہر طرح کی اجتماعی مجلس معطل کررکھی ہیں ۔
سابق بھارتی کپتان سورو گنگولی نے اپنے ٹوئٹر اکاؤنٹ پر پوسٹ کیا کہ 25 سال بعد بیلور مٹھ کا دورہ کیا جہاں انہوں نے ضرورت مندوں کے لئے 2000 کلو چاول دیئے۔
گنگولی کو بیلور مٹھ کے اندر ایک بیٹری سے چلنے والے رکشہ پر مٹھ کے سوامی جی کے ساتھ دکھایا گیا ہے اور گنگولی نے ان کے ساتھ تصاویر بھی کھنچوائیں ۔ واضح رہے کہ بیلور مٹھ کو سوامی ویویکانند کے ذریعہ قائم کیا گیا تھا۔
گنگولی کو بیلور مٹھ کے ذریعے مٹھ میں سوامی جی کا ایک چھوٹا دودھیا مجسمہ بھی پیش کیا گیا،جس میں سوامی جی دھیان کی حالت میں بیٹھے ہوئے ہیں ۔
کورونا وائرس کے خطرے کے پیش نظر ہندوستانی حکومت نے 21 دن کا لاک ڈاؤن کا اعلان کیا ہے جو 14 اپریل تک جاری رہے گا۔ گنگولی لاک ڈاؤن کے دوران ضرورت مندوں کی مدد کے لئے آگے آئے ہیں اورانہوں نے پچاس لاکھ روپے کے چاول دینے کا اعلان کیا ہے۔
