وشاکھاپٹنم کے آر آر وینكٹ پورم گاؤں واقع ایل جی پولیمر کیمیکل پلانٹ میں جمعرات کی صبح زہریلی گیس رسنے کا واقعہ پیش آیا۔ اس حادثے میں اب تک کم از کم آٹھ افراد کے مرنے کی خبر آئی ہے۔ اس کے علاوہ سینکڑوں کی تعداد میں متاثرہ لوگوں کو مختلف اسپتالوں میں داخل کرایا گیا ہے جن میں 15 کی حالت نازک بنی ہوئی ہے۔
بھارت کی اسٹار خاتون ٹینس کھلاڑی ثانیہ مرزا نے ٹویٹ کر کے کہا کہ وشاکھاپٹنم میں گیس لیک ہونے کی وجہ سے لوگوں کی موت کی خبر سے کافی دکھی ہوں۔ اس حادثے میں ہلاک ہونے والوں کے خاندان کے تئیں اظہار رنج اور جو زخمی ہیں ان کے جلد صحت مند ہونے کی دعا کرتی ہوں۔ ویزاگ کے لوگ صحتمند اور محفوظ رہیں۔
بھارتی کرکٹ ٹیم کے کپتان وراٹ کوہلی نے کہا کہ وشاکھاپٹنم گیس لیک ہونے کے واقعہ میں ہلاک ہونے والوں کے اہل خانہ کے تئیں میری گہری ہمدردی ہیں۔ میں زخمیوں کے جلد سے جلد ٹھیک ہونے کا متمنی ہوں۔
اولمپک سلور میڈلسٹ سندھو نے کہا کہ ویزاگ گیس لیک کی تصاویر خوفناک ہیں۔ وشاکھاپٹنم کے لوگوں کے لئے دعا کرتی ہوں۔
بھارتی فٹ بال ٹیم کے کپتان سنیل چھیتری نے کہا کہ ویزاگ سے آنے والی خبر سے غمگین ہوں۔ حادثے میں ہلاک ہونے والوں کو میرا خراج عقیدت اور زخمیوں کے ٹھیک ہونے کا متمنی ہوں۔ ہمیں لوگوں کی جان بچانے کے لئے ہر ممکن مدد کرنی چاہئے۔
یوراج نے کہا کہ ویزاگ میں گیس لیک ہونے کی خبر تشویش ناک ہے۔ حادثے میں ہلاک اور زخمی ہوئے لوگوں کے خاندان کے ساتھ غم میں برابر کا شریک ہوں ۔ ویزاگ کے لوگوں کو مضبوط رہنا ہے۔
ٹیم انڈیا کے اوپنر شکھر دھون نے کہا کہ ویزاگ گیس لیک کی خبر سے حیران ہوں۔ مجھے اس حادثے میں ہلاک ہونے والوں کے لئے کافی دکھ ہو رہا ہے۔ ان کے اہل خانہ کے تئیں میری ہمدردیاں ہیں۔
آل راؤنڈر رویندر جڈیجہ نے کہا کہ اس حادثے میں ہلاک ہونے والوں کے خاندان کے ساتھ اظہار ہمدردی ۔ خدا آپ کو اس دکھ کو برداشت کی طاقت دے۔ میں زخمیوں کے جلد صحت مند ہونے کی خواہش کرتا ہوں۔
اسٹار بیڈمنٹن کھلاڑی سائنا نہوال نے خدا سے دعا کی ہے کہ وہ متاثرہ خاندان کو یہ دکھ برداشت کرنے کی طاقت دے۔
