انگلینڈ اینڈ ویلز میں جاری کرکٹ عالمی کپ میں آسٹریلیائی بلے باز ڈیوڈوارنر نے 500 رنز مکمل کر لئے ہیں اور ایک عالمی کپ میں سب سے زیادہ رنز بنانے والے سچن کے ریکارڈ سے 173 رنز دور ہیں۔
آج انگلینڈ کے خلاف وارنر نے 53 رنز بنائے اور اسی کے ساتھ رواں عالمی کپ میں 500 رنز بنانے والے پہلے بلے باز بن گئے ہیں، جبکہ انہی کے ہم وطن کھلاڑی اور کپتان ارون فنچ 496 رنز بنا کر دوسرے نمبر ہیں۔
ڈیوڈ وارنر رواں عالمی کپ میں دو سنچری اور چار نصف سنچری بنا چکے ہیں۔
واضح رہے کہ وارنر بال ٹیمپرنگ کے الزام میں ایک برس کی پابندی کا شکار ہوئے تھے لیکن انہوں نے آئی پی ایل کے ذریعے شاندار واپسی کرتے ہوئے ٹورنامنٹ کے بہترین کھلاڑی کا ایوارڈ اپنے نام کیا تھا۔
