آر سی بی ٹیم میں وراٹ اور ڈی ویلیئرس اہم کھلاڑی ہیں۔ وراٹ آئی پی ایل کے پہلے سیزن سے ہی آر سی بی سے وابستہ ہیں اور اب تک 5412 رنز بنا چکے ہیں جبکہ ڈی ویلیئرس نے 3724 رنز بنائے ہیں۔ دونوں ٹیم کے تجربہ کار اور اہم کھلاڑی ہیں۔
امیش یادو نے کہا کہ 'لوگ کہتے ہیں کہ آر سی بی کا انحصار وراٹ اور ڈی ویلیئرز پر ہے اور انہوں نے ٹیم کو بہت سے میچ جتائے ہیں لیکن اگر آپ پچھلے سال کے میچ پر نظر ڈالیں تو گرکیرت مان اور شمرون ہٹمائیر نے میچ جتایا تھا ۔ تو یہ کہنا غلط ہے کہ ٹیم دو کھلاڑیوں پر منحصر ہے۔
انہوں نےمزید کہا کہ ٹیم میں 11 کھلاڑی موجود ہیں اور اگر ہم صرف دو کھلاڑیوں پر انحصار کرتے ہیں تو دوسرے کھلاڑی کیا کریں گے۔ ہر ایک کھلاڑی ٹیم میں اپنا حصہ ڈالتا ہے۔ وراٹ اور ڈی ویلیئرس نے کچھ اور تعاون کیا ہے لیکن انہوں نے اپنی پوری کوشش کی جو ٹیم کے لئے اچھی ہے۔
