بھارت کے کارگزار کپتان روہت شرما نے سوراشٹر کرکٹ ایسوسی ایشن میں کھیلے جانے والے میچ سے قبل یہاں پریس کانفرنس میں کہا کہ وہ تبدیلی کرنے کے بارے میں سوچ رہے ہیں لیکن یہ راجکوٹ کی پچ پر منحصر ہے۔
بھارت نے دہلی میں پہلے ٹوئنٹی 20 میچ کو 7 وکٹوں سے گنوا دیا تھا جس کے بعد دوسرا میچ تین میچوں کی سیریز میں کرو یا مرو کا ہو گیا ہے۔ گزشتہ میچ میں گیندباز خلیل احمد اور كرنال پانڈیا مہنگے ثابت ہوئے تھے جبکہ میڈیم تیزگیندباز شوم دوبے بھی فلاپ رہے تھے۔ ٹیم 148 کے اسکور کا دفاع نہیں کر سکی تھی۔
روہت نے کہاکہ ہماری بلے بازی اچھی ہے اور مجھے نہیں لگتا اس میں تبدیلی کی ضرورت ہے. لیکن ہم پچ کا جائزہ لیں گے اور اسی کے مطابق ٹیم کے مفاد میں فیصلہ کریں گے۔
ہم نے جن تیز گیندبازوں کو دہلی میں اتاراتھا وہ وہاں کی پچ کے مطابق گیندبازی کا مظاہرہ کرنے میں ناکام رہے۔
اپنا 100 واں میچ کھیلنے جا رہے کپتان نے ساتھ ہی کہا کہ انہیں امید ہے کہ راجکوٹ کی پچ ارون جیٹلی اسٹیڈیم کی پچ سے بہتر ہوگی اور گیندبازوں کو یہاں مدد ملے گی۔
