رشبھ پنت نے ویسٹ انڈیز کے خلاف تیسرے اور آخری ٹی 20 میچ میں 42 گیندوں مین 65 رنز بنائے اور ویسٹ انڈیز کا مکمل صفایا کرنے میں اہم کردار ادا کیا۔
رشبھ پنت 65 رنز بنانے کے ساتھ ہی بطور وکٹ کیپر سب سے زیادہ رنز بنانے والے بھارتی وکٹ کیپر بن گئے ہیں، اس سے قبل یہ ریکارڈ مہندر سنگھ دھونی کے نام جنہوں نے سنہ 2017 میں انگلینڈ کے خلاف 56 رنز کی اننگ کھیلی تھی جبکہ پنت نے اسی برس اپنے ٹی 20 کریئر کا آغاز کیا تھا۔
پنت کا یہ 18 واں بین الاقوامی ٹی 20 میچ تھا، حالاںکہ انہوں نے پہلے مقابلوں میں مایوس کن کارکردگی کا مظاہرہ کیا تھا لیکن تیسرے میچ میں انہوں نے 42 گیندوں میں چار چوکوں اور چار چھکوں کی مدد سے 65 رنز بنائے تھے۔
واضح رہے کہ دھونی کی غیر موجودگی میں رشبھ پنت کو تینوں فارمیٹ کے لیے ٹیم میں شامل کیا گیا ہے۔
میچ کے بعد کپتان وراٹ کوہلی نے پنت کی تعریف کرتے ہوئے کہا کہ پنت نے اچھے شاٹس کھیلے اور ٹیم کو جیت دلائی، وہ گیند کو ہر جانب کھیل رہے تھے اور ٹی 20 میں بہت کم ایسے کھلاڑی ہوتے ہیں جو اس طرح کی بلے بازی کرتے ہیں۔
