افغانستان اور بنگلہ دیش کے مابین پہلا ٹیسٹ میچ ظہور احمد چودھری اسٹیڈیم (چٹگام) میں کھیلا جا رہا ہے جس میں راشد خان کو افغان ٹیم کی کپتانی سونپی گئی ہے۔
راشد خان نے اس ٹیسٹ میں کپتانی سنبھالتے ہی ٹیسٹ کرکٹ کی تاریخ میں سب سے کم عمر کپتان ہونے کا ریکارڈ اپنے نام کر لیا ہے، یہ ریکارڈ 15 برسوں کے بعد ٹوٹا ہے۔
کپتانی کا عہدہ سنبھالنے کے وقت راشد خان کی عمر 20 برس 350 دن تھی جبکہ اس سے قبل یہ ریکارڈ زمبابوے کے سابق وکٹ کیپر تاتندا تائبو کے نام تھا جنہوں نے 20 برس 358 دن کی عمر میں یہ ریکارڈ بنایا تھا۔
راشد خان نے 8 روز کے فرق سے یہ ریکارڈ توڑ اجو تائبو نے سنہ 2004 میں سری لنکا کے خلاف ہرارے میں کھیلے گئے ٹیسٹ میں قائم کیا تھا، اس کے علاوہ راشد خان نے نام بین الاقوامی کرکٹ کے سب سے کم عمر ترین کپتان کا بھی ریکارڈ درج ہے، وہ محض 19 برس کی عمر میں کپتانی کے فرائض انجام دے چکے ہیں۔
واضح رہےکہ افغانستان کو ٹیسٹ کرکٹ کھیلنے کا درجہ ملنے کے بعد بنگلہ دیش کے خلاف اس کا تیسرا ٹیسٹ ہے، پہلے ٹیسٹ میں افغانستان کو بھارت کے ہاتھوں شکست کا سامنا کرنا پڑا تھا جبکہ دوسرے ٹیسٹ میں اس نے آئرلینڈ کو شکست دی تھی۔
