پاکستان کرکٹ بورڈ (پی سی بی) نے کورونا کی وجہ سے آپریشنل، لاجسٹک اور سکیورٹی چیلنجوں کے پیش نظر تربیتی کیمپ نہ کرانے کا فیصلہ کیا ہے۔ کھلاڑی اور معاون عملہ انگلینڈ روانہ ہونے سے پہلے لاہور میں ملیں گے جہاں ان کا کورونا ٹیسٹ کیا جائے گا۔
دورہ انگلینڈ سے قبل تربیتی کیمپ نہ ہونے سے پاکستانی کھلاڑیوں کے لئے مشکل ہوسکتی ہے۔ پی سی بی نے حال ہی میں یونس خان کو دورہ انگلینڈ کے لئے بلے بازی کا کوچ مقرر کیا تھا۔ بورڈ نے کھلاڑیوں کو بھی میدان میں نہ جانے کا مشورہ دیا ہے۔
پاکستان اور انگلینڈ کے مابین سیریز کی تاریخوں کا ابھی فیصلہ نہیں ہوا ہے ، لیکن پی سی بی کو رواں سال اگست میں انگلینڈ کے خلاف تین ٹیسٹ اور تین ٹی ٹونٹی سیریز کی توقع ہے۔
