ہار جیت سے پرے اس سیزن کے آخری میچ میں دوبارہ ریکارڈز کی بارش ہوئی اس میچ میں دونوں ٹیم کے کپتان روہت شرما اور دھونی سمیت دوسرے کئی کھلاڑیوں نے بھی ریکارڈز قائم کیے۔
آئیے ایک نظر ڈالتے ہیں میچ میں بنے کچھ خاص ریکارڈز کے بارے میں۔
کامیاب وکٹ کیپر: دنیش کارتک کو پیچھے چھوڑتے ہوئے چینئی سپر کنگز کے وکٹ کیپر کپتان مہندر سنگھ دھونی آئی پی ایل کی تاریخ کے سب سے کامیاب وکٹ کیپر بن گئے ہیں، انہوں نے اپنے آئی پی ایل کیریئر میں وکٹ کے پیچھے 132 کھلاڑیوں کو آؤٹ کیا۔
پرپل کیپ: چینئی سپر کنگز کے اسپنر عمران طاہر آئی پی ایل کی تاریخ میں سب سے زیادہ وکٹ لینے والے اسپن بولر بن گئے ہیں طاہر نے اس سیزن میں 26 وکٹ حاصل کیے۔
ہاردک پانڈیا: ہاردک پانڈیا نے اس سیزن میں 16 میچوں میں 402 رنز بنائے، انہوں نے پہلی بار ایک سیزن میں 400 سے زائد رنز بنائے۔
چوتھا خطاب: ممبئی انڈیئنز نے چوتھی بار آئی پی ایل خطاب پر قبضہ کیا ہے اسی کے ساتھ وہ سب سے زیادہ بار خطاب جیتنے والی پہلی ٹیم بن گئی ہے۔
ایک کھلاڑی پانچ خطاب: روہت شرما اکلوتے ایسے کھلاڑی بن گئے ہیں جو 5 بار آئی پی ایل خطاب فاتح ٹیم کا حصہ رہے ہیں انہوں نے بطور کھلاڑی ڈیکن چارجرس حیدرآباد ٹیم کی بھ نمائندگی کی ہے اس کے بعد انہوں نے بطور کپتان 4 بار خطاب اپنے نام کیے ہیں۔
ٹیم کے لیے 4000 رنز: روہت شرما ممبئی انڈیئنز کی جانب سے آئی پی ایل میں 4000 رنز والے پہلے بلے باز بن گئے ہیں۔
آرینج کیپ: ڈیوڈ وارنر تین آرینج کیپ جیتنے والے پہلے کھلاڑی بن گئے ہیں، وارنر نے 2015 میں 562 رنز اور 2017 میں 641 رنز بنا کر آرینج کیپ پر قبضی کیا تھاجبکہ اس سیزن میں انہوں نے 692 رنز بنا کر ریکارڈ تیسری مرتبہ یہ کامیابی حاصل کی۔
