دو دنوں کے بریک کے بعد جب کھلاڑی پریکٹس کے لیے میدان پر آئے تو انہوں نے اپنے نئے ہیئر اسٹائیل سے مداحوں کو اپنی جانب راغب کیا۔
ان کھلاڑیوں میں کپتان وراٹ کوہلی، سابق کپتان و وکٹ کیپر مہندر سنگھ دھونی، آل راؤنڈر ہاردک پانڈیا اور لیگ اسپنر یزویندر چہل شامل ہیں۔
ان تمام کھلاڑیوں نے سوشل میڈیا پر اپنے نئے ہیئر اسٹائیل کی تصاویر شیئر کیں جسے خوب پسند کیا جا رہا ہے۔
واضح رہے کہ وراٹ کوہلی اور مہندر سنگھ دھونی ہمیشہ اپنے ہیئر اسٹائیل کی وجہ سے سرخیوں میں رہتے ہیں۔
دھونی اور پانڈیا نے عالم حکیم سے نیا ہیئر کٹ کروایا ہے، عالم حکیم نے ان دونوں کی تصویر اپنے انسٹاگرام پر بھی شیئر کی ہے۔
دھونی اور کوہلی کا ہیئر اسٹائیل لگ بھگ ایک جیسا دکھائی دے رہا ہے۔
