ظہیر خان نے ابوظہبی میں فرنچائزی کے ٹیم روم کے ورچوئل ٹور کی میزبانی کی۔ اپنے آفیشل سوشل میڈیا ہینڈلز کو لے کر ممبئی انڈینز نے ویڈیو شیئر کرتے ہوئے لکھا کہ آرام سے بیٹھیں ، آرام کریں اور ابوظہبی میں ہمارے ٹیم روم کے ورچوئل ٹور کریں۔دفاعی چمپین ممبئی انڈینز نے اپنے کھلاڑیوں کو خوش اور تازہ دم رکھنے اور اپنے تمام کھلاڑیوں کو تناؤ سے پاک ماحول بنانے کے لیے تفریحی ٹیم کا ایک روم تیار کیا ہے۔
اس موقع پر ظہیر خان نے کہا کہ ایک چیز جسے ہم سب سے زیادہ مس کریں گے وہ میدان میں کھلاڑیوں کی حوصلہ افزائی کرنے والے ہمارے شائقین کی پلٹن ہے۔ لہذا ہم یہ پیغام دینا چاہتے ہیں کہ ہمارے کھلاڑی ، ہمارا پورا دستہ ، معاون عملہ ، چاہے آپ کہیں بھی ہوں ، پلٹن ہمیشہ آپ کے ساتھ ہوتی ہے۔اس کے ساتھ ہی ٹیم کے کمرے کی ایک دیوار پر پلٹن کی خوشی منانے کی کچھ تصاویر آویزاں کی گئی ہیں ۔
کھلاڑیوں کے لیے ممبئی انڈینز کے ٹیم روم میں انڈور جم روم ، میوزک اور انڈور گیمس موجود ہیں۔ ظہیر خان نے کہا کہ ہم ہمیشہ ٹیم روم پر مرکوز رہے ہیں۔ کیونکہ یہی وہ جگہ ہے جہاں سب سے زیادہ وابستگی ہوتی ہے۔ یہاں کھلاڑی کو زیادہ سے زیادہ وقت گزارنا پڑتا ہے۔ جیسا کہ آپ دیکھ سکتے ہیں کہ کھلاڑیوں کو یہاں قریب تین ماہ گزارنا ہیں۔ یہ ایک طویل وقت ہے. سب کے کنبے کے افراد اور کھلاڑی یہاں جمع ہوتے ہیں اس لیے یہ جگہ ایک طرح سے ہمارا 'زون' ہے۔
اس مرتبہ روہت شرما کی کپتانی میں ٹیم پانچواں آئی پی ایل ٹائٹل جیتنے کی کوشش کرے گی۔ روہت شرما کی کپتانی میں ممبئی انڈینز 4 مرتبہ آئی پی ایل کے ٹائٹل پر قبضہ کرنے والی واحد ٹیم ہے۔ ممبئی 2013 ، 2015 ، 2017 اور 2019 میں خطاب اپنے نام کیا ہے۔ ممبئی انڈینز نے اس سے قبل چنئی سپر کنگز کو ایک رن سے شکست دے کر ٹرافی جیتی تھی۔
انڈین پریمیر لیگ (آئی پی ایل ) رواں برس 19 ستمبر سے 10 نومبر کے درمیان متحدہ عرب امارات میں کھیلی جائے گی۔ اس ٹورنامنٹ کے لیے تمام ٹیمیں متحدہ عرب امارات پہنچ گئیں۔ چنئی سپر کنگز (سی ایس کے) ٹیم کے علاوہ باقی ٹیموں نے پریکٹس بھی شروع کردی ہے۔ مہندر سنگھ دھونی کی زیرقیادت ٹیم کے 13 ارکان کوویڈ 19 سے متاثر ہوئے ہیں۔ ان میں دو کھلاڑی بھی شامل ہیں۔ ممبئی انڈینز کی ٹیم نے بھی میدان میں پریکٹس شروع کردی ہے۔ اس کے ساتھ کھلاڑی ٹیم روم میں کنبہ اور ساتھی کھلاڑیوں کے ساتھ بھی تفریح کر رہے ہیں۔
ممبئی انڈینز کی ٹیم روہت شرما ، ہاردک پانڈیا ، جسپریت بمراہ ، کرونال پانڈیا ، ایشان کشن ، سوریہ کمار یادو ، راہل چاہر ، انمولپریت سنگھ ، جینت یادو ، آدتیہ تارے ، سچیت رائے ، دھول کلکرنی ، کوئنٹن ڈی کاک ، کیرون پولارڈ ، لست ملنگا ، مچل میک کلین ، کرس لنکن، سوربھ تیواری ، ناتھن کولٹر نیل ، محسن خان ، دگ وجے دیشمکھ پر مشتمل ہے ۔
