افغانستان کے وکٹ کیپر محمد شہزاد پر کرکٹ بورڈ کی کی اجازت کے بغیر بیرون ممالک سفر کرنے کی وجہ سے بڑی کاروائی کی گئی اور افغانستان کرکٹ بورڈ نے سخت ایکشن لیتے ہوئے ان کا سالانہ معاہدہ ختم کر دیا ہے۔
افغانستان کرکٹ بورڈ کی ویب سائٹ کے مطابق ملک سے باہر جانے کے لیے بورڈ کی اجازت لینا ضروری ہے لیکن شہزاد نے ایسا نہیں کیا۔
واضح رہے کہ افغانستان کرکٹ بورڈ کے قانون کے مطابق اگر کسی بھی کھلاڑی کو بیرون ملک سفر کرنا ہے تو اسے بورڈ سے اجازت لینا ضروری ہے۔
افغانستان کرکٹ بورڈ کی جانب سے جاری کردہ بیان کے مطابق شہزاد نے اس سے قبل بھی ضابطہ اخلاق کی خلاف ورزی کی تھی اور گزشتہ ماہ ہونے والی انتظامیہ کی کی میٹنگ میں بھی شریک نہیں ہوئے تھے۔
محمد شہزاد نے افغانستان کی جانب سے اب تک دو ٹیسٹ، 84 یک روزہ اور 65 ٹی 20 میچوں کی نمائندگی کی ہے، جبکہ انگلینڈ میں ہونے والے عالمی کپ میں وہ زخمی ہونے کی وجہ ٹورنامنٹ سے باہر ہو گئے تھے۔
