انگلینڈ دورے سے ٹیم کی واپسی پر پاکستان کرکٹ ٹیم کے ہیڈ کوچ مصباح الحق سے چیف سلیکٹر کا عہدہ چھوڑنے کے لیے کہا جاسکتا ہے کیونکہ کرکٹ بورڈ عہدیدار اس کام کے لیے کسی نئے شخص کی تقرری پر غور کررہے ہیں۔
پاکستان کرکٹ بورڈ (پی سی بی) کے ذرائع کے مطابق ایک سابق تیز گیند باز کا نام مصباح کی جگہ چیف سلیکٹر کی جگہ لینے پر غور کیا جارہا ہے۔
ذرائع نے کہا کہ 'پی سی بی کو اب یہ محسوس ہوتا ہے کہ مصباح پر بوجھ کم کرنا اور انہیں ہیڈ کوچ کے کام پر توجہ دینے کی اجازت دینا بہتر ہوگا کیونکہ اگلے تین برسوں میں انٹرنیشنل کرکٹ کونسل کے بہت سے اہم مقابلے منعقد ہونے والے ہیں۔
انہوں نے کہا 'پی سی بی کے سی ای او وسیم خان بھی حال ہی میں انگلینڈ میں تھے اور انہوں نے دیکھا کہ مصباح دونوں ذمہ داریوں کو کس طرح نبھارہے ہیں۔
وسیم خان نے انگلینڈ میں بھی مصباح الحق سے بات کی تھی اور اب بورڈ کے پاس نیا سلیکٹر مقرر کرنے کا اختیار موجود ہے۔
