کین ولیمسن ٹیسٹ چیمپیئن شپ سے قبل کسی بھی قسم کا خطرہ نہین مول لینا چاہتے اس لیے وہ بائیں کوہنی کی چوٹ سے ابھرنا اور رہیبلٹیشن کرنا چاہتے ہیں۔
نیوزی لینڈ کرکٹ کے میڈیکل منیجر ڈیل شیکیل نے تصدیق کی کہ ولیمسن کئی دنوں سے چوٹ سے ابھرنے کی کوشش کررہے تھے لیکن کوئی بہتری نہیں ہوئی کیونکہ انہیں آرام اور مناسب رہیبلٹیشن وقت کی ضرورت ہے۔
شیکیل نے کہا کہ ولیمسن اس گرمی مختلف طریقوں سے کوہنی کی چوٹ سے ابھرنے کی کوشش کررہے تھے لیکن بدقسمتی سے اس میں کوئی بہتری نہیں ہوئی ہے۔ یقیناً ان کے پاس تینوں فارمیٹ میں کھیلنے کی زیادہ صلاحیت ہے اور انہوں نے کھیلا بھی ہے۔ یہی وجہ ہے کہ ان کا رہیبلٹیشن نہیں ہوپارہا ہے۔
انہوں نے مزید کہا کہ 'ہماراخیال ہے کہ چوٹ سے مکمل طور سے فٹ ہونے کے لیے انہیں اب آرام اور رہیبلٹیشن کی ضرورت ہے۔ اس کی وقت کی حد الگ الگ ہوسکتی ہے۔ لیکن ہمیں امید ہے کہ ابتدائی دنوں میں آرام کے بعد وہ اگلے ہفتے رہیبلٹیشن شروع کرنے کے قابل ہو جائیں گے۔
