نیوزی لینڈ کرکٹ ٹیم کے کپتان کین ولیمسن نے پاکستان کے خلاف دوسرے ٹیسٹ میچ میں 238 رنز بنا کر ٹیم کو میچ میں مضبوط پوزیشن پر پہنچایا۔
اس دوران ولیمسن نے نیوزی لینڈ کے تجربہ کار بلے باز راس ٹیلر کو پیچھے چھوڑ کر سب سے تیز سات ہزار رن بنانے کا قابل فخر کارنامہ انجام دیا۔
کیوی کپتان نے 83 ویں ٹیسٹ کی 144 ویں اننگز میں یہ کارنامہ انجام دیا جبکہ ٹیلر نے یہ 169 ویں اننگ میں یہ کامیابی حاصل کی تھی۔
سڈنی اسٹیڈیم میں صرف 25 فیصد ناظرین
ٹیسٹ کرکٹ میں سب سے تیز سات ہزار بنانے کا ریکارڈ آسٹریلیا کے اسٹیو اسمتھ کے نام ہے جنہوں نے 126 ویں اننگز میں سات ہزار رنز مکمل کیے تھے۔
کین ولیمسن سیریز میں مستقل طور پر عمدہ کارکردگی کا مظاہرہ کر رہے ہیں۔ انہوں نے اس سیزن میں کھیلے گئے تمام ٹیسٹ میچوں میں سنچری بنائی ہے۔
انہوں نے رواں سیزن میں 251 ، 129 اور 238 رنز بنائے ہیں۔ یہ ان کے ٹیسٹ کریئر کی چوتھی ڈبل سنچری ہے۔
