بی سی سی آئی کے خزانچی ارون سنگھ دھومل نے جئے شاہ کو اے سی سی کا صدر بننے کی تصدیق کی۔
ارون سنگھ دھومل نے ٹویٹ کیا کہ 'ایشین کرکٹ کونسل کے صدر کی حیثیت سے جئے شاہ کو مبارکباد۔ مجھے یقین ہے کہ ان کی قیادت میں اے سی سی زیادہ اونچائی حاصل کرے گا اور پورے ایشیا خطے کے کرکٹرز اس سے مستفید ہوں گے۔
واضح رہے کہ عام طور پر بی سی سی آئی کے صدر اے سی سی کے سربراہ کی حیثیت سے چارج لیتے ہیں لیکن اس معاملے میں یہ ذمہ داری بورڈ کے سکریٹری کو سونپی گئی ہے۔
اے سی سی کا قیام سنہ 1983 میں ہوا تھا۔ اس تنظیم کا اصل ہدف ایشیاء میں کرکٹ کو زیادہ سے زیادہ فروغ دینا ہے۔ اس وقت آئی سی سی کے 25 ممالک اس کے ممبر ہیں۔
