آئی پی ایل کو 29 مارچ سے شروع ہونا تھا لیکن کورونا وائرس کی وجہ سے ملک بھر میں جاری لاک ڈاؤن اور سفر کی پابندیوں کی وجہ سے بھارتی کرکٹ کنٹرول بورڈ (بی سی سی آئی) نے اسے غیر معینہ مدت کے لیے ملتوی کر دیا تھا۔
شیکھرنے سری لنکا کے سابق کپتان اینجلو میتھیوز کے ساتھ انسٹاگرام لائیو چیٹ کے دوران اس سال آئی پی ایل کے انعقاد کو لے کر کہا کہ مجھے امید ہے کہ آئی پی ایل منعقد کیا جائے گا۔مجھے اس بارے میں مثبت خیال ہے۔اگر آئی پی ایل منعقد کیا جاتا ہے تو یہ واقعی اچھا ہو گا۔اگرچہ سب کی حفاظت پہلی ترجیح ہے لیکن اگر یہ ٹورنامنٹ ہوتا ہے تو یہ مثبت پیغام لائے گا۔
انہوں نے کہا کہ یہ ضروری ہے کہ کچھ کھیل شروع کیے جائیں جس سے لوگوں کے مزاج درست ہوں اور آئی پی ایل کے شروع ہونے سے ایسا ہو سکتا ہے۔اس دوران ناظرین کے بغیر کرکٹ شروع کرنے کی بحث زوروں پر ہے اور شیکھر کا خیال ہے کہ اگر ایسا ہوتا ہے تو کھلاڑی ناظرین کے درمیان کھیلنے کو بہت یاد کریں گے۔
