بھارتی کرکٹ کنٹرول بورڈ (بی سی سی آئی) کے صدر سورو گنگولی نے انڈین پریمیئر لیگ گورننگ کونسل کی میٹنگ میں واضح کیا کہ لیگ رواں برس ایڈیشن کا فائنل مقابلہ ممبئی میں ہی کھیلا جائے گا۔
اس کے ساتھ ہی آئی پی ایل کی گورننگ کونسل نے فیصلہ کیا کہ آئی پی ایل کے رات میں ہونے والے میچز 8 بجے سے ہی شروع ہوں گے۔
واضح رہے کہ رات میں ہونے والے میچوں کو 7:30 بجے سے شروع کرنے کو لے کر کافی دباؤ تھا لیکن گورننگ کونسل نے اس میں تبدیلی نہیں کی۔
بھارتی کرکٹ ٹیم کے سابق کپتان سورو گنگولی نے کہا کہ 'آئی پی ایل کا فائنل مقابلہ ممبئی میں ہی کھیلا جائے گا۔
اس سے قبل قیاس آرائی کی جارہی تھیں کہ آئی پی ایل کے 2020 ایڈیشن کا فائنل مقابلہ احمد آباد میں کھیلا جا سکتا ہے۔
اس کے علاوہ چیریٹی کے لیے آئی پی ایل شروع ہونے سے قبل تمام بین الاقوامی کھلاڑیوں کے درمیان ایک آل اسٹار گیم بھی کھیلا جائے گا۔
آئی پی ایل گورننگ کونسل کے اجلاس کے بعد گنگولی نے نامہ نگاروں سے بات کرتے ہوئے کہا کہ 'آئی پی ایل کے رات میں والے میچوں کے وقت میں کوئی تبدیلی نہیں ہوگی۔
انہوں نے کہا کہ 7.30 بجے میچوں کو شروع کرنے کو لے کر بحث ہوئی لیکن ایسا نہیں ہوا ساتھ ہی انہوں نے بتایا کہ صرف 5 ہی ڈبل ہیڈر (شام 4 بجے اور 8 بجے) میچ کھیلے جائیں گے۔
اس سے قبل قیاس لگایا جا رہا تھا کہ آئی پی ایل 2020 کا فائنل مقابلہ احمد آباد میں کھیلا جائے گا، اس کے علاوہ 2021 کے ایڈیشن میں ٹیموں کی تعداد پر بھی بحث ہونے والی تھی لیکن فی الحال اس کے بارے میں کوئی معلومات حاصل نہیں ہو سکی ہے۔
