بھارت نے تین ٹیسٹ میچوں کی سیریز 3-0 سے جیت لی ہے اور جنوبی افریقہ کے خلاف بھارت کی یہ اب تک کی سب سے بڑی جیت ہے۔
بھارت نے تیسرے ٹیسٹ میچ میں ٹاس جیت کر پہلے بلے بازی کرنے کا فیصلہ کیا ۔ بھارت نے پہلی اننگ میں 9 وکٹ کے نقصان پر497 رن بنا کر اننگ ڈکلیئر کر دی تھی جبکہ اس کے جواب میں جنوبی افریقہ کی ٹیم پہلی اننگ میں 162 رن بنا کر آل آوٹ ہو گئی۔ اس کے بعد بھارت نے جنوبی افریقہ کو فالوآن کھیلنے کے لیے مجبور کیا جس میں جنوبی افریقی ٹیم ناکام ثابت ہوئی اور 133 رن بنا کر آل آوٹ ہو گئی۔
اس میچ کے ہیرو رہے روہت شرما کو مین آف دی میچ اور مین آف دی سیریز کے انعام سے نوازا گیا، جنہوں نے اس میچ میں 255 گیندوں پر 212 رن بنائے تھے۔
