روایتی حریف بھارت اور پاکستان کے درمیان ایک بار بھر سے کرکٹ کے مراسم بحال ہو سکتے ہیں۔ دونوں ممالک رواں برس تین میچز کی ٹی 20 سیریز کھیل سکتے ہیں۔ پاکستان کے اخبار جنگ کی رپورٹ کے مطابق، دونوں ممالک رواں برس ٹی 20 میچز کی مختصر سیریز کھیل سکتے ہیں۔ اخبار نے اعلی افسران کے ذرائع کے حوالہ سے خبر دی ہے کہ پاکستان اپنے پڑوسی ملک بھارت کے ساتھ دو طرفہ سیریز پر تبادلہ خیال کر رہا ہے۔
پاکستان کرکٹ بورڈ کے ایک افسر کے حوالہ سے ذرائع کا کہنا ہے کہ بھارت اور پاکستان کی ٹیموں کے درمیان تین میچز کی ٹی 20 سیریز ہو سکتی ہے۔
روزنامہ جنگ کے مطابق بھارت اور پاکستان کے درمیان اگر سیریز کا آغاز ہوتا ہے تو، بھارتی ٹیم پاکستان کے دورہ پر آئے گی کیوں کہ اس سے قبل دونوں ٹیموں کے درمیان دو طرفہ سیریز ہوئی تھی تو پاکستانی ٹیم نے بھارت کا دورہ کیا تھا۔
حالانکہ، پی سی بی کے چیئرمین احسان منی کا کہنا ہے کہ اس سیریز کے سلسلہ میں ابھی تک کسی نے بھی ان سے رابطہ نہیں کیا ہے اور نہ ہی اس تعلق سے بھارتی کرکٹ بورڈ نے ان سے بات چیت کی ہے۔
واضح رہے کہ بھارت اور پاکستان نے 2012 کے بعد سے کوئی بھی دو طرفہ سیریز نہیں کھیلی ہے۔ تاہم دونوں ٹیمیں آئی سی سی کے ٹورنمانٹ میں ایک دوسرے کے خلاف کھیلتی آ رہی ہے۔
