جنوبی افریقہ کے خلاف 12 مارچ سے شروع ہونے والی یک روزہ سیریز کے لیے بھارت کی 15 رکنی ٹیم کا اعلان کیا گیا۔
بائیں ہاتھ کے سلامی بلے باز شکھر دھون، آل راؤنڈر ہاردک پانڈیا اور تیز گیند باز بھونیشور کمار کی جنوبی افریقہ کے خلاف تین میچوں کی یک روزہ سیریز میں واپسی ہوئی ہے۔
اس 15 رکنی اسکواڈ میں جارحانہ بلے باز روہت شرما کو چوٹ کی وجہ سے شامل نہیں کیا گیا، وہ ابھی تک پنڈلی کی چوٹ سے ابھر نہیں پائے ہیں اور ان کا آرام جاری ہے۔
شکھر دھون، ہاردک پانڈیا اور بھونیشور کمار زخمی ہونے کی وجہ ٹیم سے باہر چل رہے تھے لیکن ان تینوں تجربہ کار کھلاڑیوں کو جنوبی افریقہ کے خلاف ٹیم میں شامل کیا گیا ہے۔
اس کے علاوہ چوٹ کی وجہ سے نیوزی لینڈ میں ٹیسٹ سیریز سے باہر ہوئے روہت شرما اب تک مکمل طور پر صحتیاب نہیں ہوسکے جس کی وجہ سے انہیں اسکواڈ سے باہر رکھا گیا ہے۔
نیوزی لینڈ دورے پر 3-0 سے یک روزہ سیریز ہارنے والی بھارتی ٹیم سے کیدار جادھو، شیوم دوبے، شاردل ٹھاکر، محمد سمیع اور مینک اگروال کو باہر کیا گیا ہے جبکہ شبھمن گل، ہاردک پانڈیا، بھونیشور کمار اور شکھر دھون کو ٹیم میں شامل کیا گیا ہے۔
- ٹیم اس طرح ہے۔
وراٹ کوہلی(کپتان)، شکھر دھون، پرتھوی شا، لوکیش راہل، منیش پانڈے، شريس ایر، رشبھ پنت، ہاردک پانڈیا، رویندر جڈیجہ، بھونیشور کمار، يزویندر چہل، جسپريت بمراه، نوديپ سینی، کلدیپ یادو اور شبھمن گل
