عمران طاہر نے امام الحق کا وکٹ لیتے ہی جنوبی افریقہ کی جانب سے عالمی کپ میں سب سے زیادہ وکٹ لینے والے ایلن ڈونالڈ کا ریکارڈ توڑ دیا ہے۔
اپنا تیسرا عالمی کپ ٹورنامنٹ کھیل رہے عمران طاہر نے 20 عالمی کپ میچوں میں 39 وکٹیں حاصل کی ہیں اور جنوبی افریقہ کی جانب سے سب سے تیز 39 وکٹ حاصل کرنے کا بھی ریکارڈ اپنے نام کر لیا ہے۔
اس سے قبل یہ ایلن ڈونالڈ نے چار عالمی کپ کھیل کر 28 میچوں میں 38 وکٹیں حاصل کی تھیں جبکہ سابق آل راؤنڈر شان پولاک چار عالمی کپ کے 31 میچوں میں 31 وکٹیں حاصل کی تھیں۔
عالمی کپ ٹورنامنٹ میں سب سے زیادہ وکٹیں لینے کا ریکارڈ سابق آسٹریلیائی تیز گیند باز گلین میک گرا کے نام ہے جنہوں نے 39 میچوں میں 71 وکٹیں حاصل کی ہے۔
عالمی کپ میں بھارت کی جانب سے سب سے زیادہ وکٹ لینے والے گیندبازوں کی فہرست میں ظہیر خان کا نام سب سے اوپر ہے جنہوں نے تین عالمی کپ میں ملک کی نمائندگی کی ہے اور 23 میچوں میں 44 وکٹ لئے ہیں۔
