آئی سی سی خواتین ٹی20 ورلڈ کپ کے گروپ اے میں کھیلے گئے میچ میں بنگلہ دیش پر 86 رنوں کی بڑی جیت کے بعد آسٹریلیائی ٹیم کے سیمی فائنل میں کوالیفائی کرنے کا امکان روشن ہو گیا ہے۔
اس جیت کے ساتھ آسٹریلیا تین میچوں میں دو جیت اور ایک ہارکی بدولت چار پوائنٹ کے ساتھ دوسری پوزیشن پر پہنچ گئی ہے ۔
نیوزی لینڈ اتنے ہی میچوں میں دوپوائنٹ کے ساتھ تیسری پوزیشن پر ہے جبکہ بھارتی خواتین ٹیم تین میچوں میں تین جیت کی بدولت چھ پوائنٹ کے ساتھ ٹی۔20 ورلڈ کپ کے سیمی فائنل میں پہلے ہی سیمی فائنل کر چکی ہے ۔
آسٹریلیا کے ایک وکٹ کے نقصان پر 189 رنوں کے ہدف کے تعاقب میں بنگلہ دیش کی خاتون مقررہ 20 اوورز میں 103 رن ہی بناسکی۔ بنگلہ دیشی ٹیم کی یہ مسلسل دوسری شکست ہے۔
بنگلہ دیش کی جانب سے نگار سلطانہ(19رن)،شمیمہ سلطانہ(36رن)اورفرغانہ حق 11رنوں کے ساتھ نمایاں اسکورررہی ہیں۔
اس کے علاوہ دیگر بلے بازوں نے مایوس کن کھیل کامظاہرہ کیا جس کے سبب بنگلہ دیشی ٹیم ہدف تک پہنچ نہیں سکی۔
آسٹریلیا کی جانب سے اسکوٹ کو تین،جاناسن کودو جبکہ ساتھرلینڈ ،اورکیری کو ایک ایک وکٹ ملا۔
اس سے قبل آسٹریلیا کی راجدھانی کینبرا میں کھیلے گئے خواتین ٹی۔20 ورلڈ کپ 2020 میں آسٹریلیا ئی ٹیم کے اوپننگ بلے بازوں نے شاندار شروعات کرتے ہوئے پہلے وکٹ کے لئے 151 رنوں کی شراکت داری کی۔
ایلیساہیلی نے شاندار بلے بازی کرتے ہوئے 53 گیندوں پر 10 چوکوں اور تین چھکوں کی مدد سے 83 رنوں کی اننگز کھیل کر سلمہ خاتون کی گیند پر آ ؤٹ ہوئی۔
لوسی مونی نے جارحانہ بلے بازی کرتے ہوئے 58 گیندوں پر نو چوکوں کی مدد سے 81 رنوں کی غیرمفتوح اننگز کھیلی۔گارڈنر 22 رن بنا کر ناٹ آ ؤٹ رہی۔
بنگلہ دیش کی جانب سے سلمی خاتون واحد کامیاب گیندباز رہیں جنہیں ایک وکٹ ملا۔
