آل راؤنڈر ہاردک پانڈیا کو فٹنس ٹیسٹ میں ناکام ہونے کی وجہ سے دورہ نیوزی لینڈ کے لیے منتخب نہیں کیا گیا ہے۔
ذرائع کے مطابق پانڈیا کی فٹنس بین الاقوامی کرکٹ کی ضروریات کے مطابق نہیں ہے۔ بین الاقوامی کرکٹ میں واپسی کے لیے پانڈیا کو بڑودہ کے لیے کم سے کم ایک میچ کھیلنا پڑے گا جس کے بعد ہی اس کے نام پر جنوبی افریقہ کے خلاف گھریلو یک روزہ سیریز کے لیے غور کیا جائے گا۔واضح رہے کہ پانڈیا نے گیندبازی فٹنیس سے متعلق ٹیسٹ نہیں دیا تھا جو کمر کی انجری سے واپی کرنے والے گیند باز کے لیے کافی اہم ہوتا ہے۔ اس کے باوجود ہاردک نے یہ دعوی کیا ہے کہ وہ نیوزی لینڈ دورے کے دوسرے حصے کے لیے فٹ ہوجائے گا لیکن بی سی سی آئی کے ذرائع نے بتایا کہ یہ پانڈیا کا ذاتی اندازہ ہے۔
بی سی سی آئی کے ایک ذریعہ نے رازداری کی شرط پر کہا کہ ہاردک کو یہ محسوس ہوا ہوگا کہ وہ فٹ ہیں لیکن اپنے ٹرینر ایس رجنیکانت کے دعووں کے برخلاف وہ فٹنس ٹیسٹ میں ناکام ہوگئے۔ یہ یو-یو ٹیسٹ نہیں تھا بلکہ بولنگ فٹنس ٹیسٹ میں ناکام رہنا جس کا مطلب ہے فٹنس ٹیسٹ میں ناکامی۔
واضح رہے کہ بھارتی ٹیم کے آل راؤنڈر ہاردک پانڈیا نیشنل کرکٹ ایسوسی ایشن (این سی اے) میں راہل دراوڈ کی رہنمائی میں بحالی کے عمل کو انجام دے رہے ہیں۔
نیوزی لینڈ کے خلاف یک روزہ ٹیم کا اعلان منگل کو کیا گیا تھا۔ کندھے کی انجری کے سبب ٹی 20 سیریز سے باہر ہونے کے بعد شیکھر دھون کو یک روزہ ٹیم میں بھی شامل نہیں کیا گیا ہے۔ سنجو سیمسن کو ٹی ٹونٹی سیریز میں شامل کیا گیا ہے جبکہ پرتھوی شاہ کو یک روزہ ٹیم میں شامل کیا گیا ہے۔
