میزبان زمبابوے کو406 رنوں پر آل آؤٹ کرنے کے بعد سری لنکا کی ٹیم نے ٹھوس شروعات کرتے ہوئے دوسرے دن کھیل کااختتام تک دووکٹوں پر 122 رن بنا ئے۔
ہرارے اسپورٹس کمپلیکس میں کھیلے جارہے پہلے ٹسٹ میچ کے دوسرے دن زمبابوے کے 406 رنوں کے جواب میں مہمان ٹیم سری لنکا نے ٹھوس آغاز کرتے ہوئے کرونارتنے اور فرنانڈو نے پہلے وکٹ کے لئے 94 رنوں کی شراکت داری کی۔
کرونارتنے 44 رن بنا کر سکلندر رضا کی گیند پر آ ؤٹ ہوگئے۔اس کے بعد تریپانو نے فرنانڈو کو 44 رنوں کے انفرادی اسکور پر پویلین کی راہ دکھائی۔
دوسرے دن کے کھیل ختم ہونے تک کوشال مینڈس (19 رن )اور میتھیوز(4رن)کے ساتھ ناٹ آؤٹ رہے۔
زمبابوے کی جانب سے سکندررضا اور ترپینانو کو ایک ایک وکٹ ملے۔
اس سے قبل زمبابوے اپنے کل کے اسکور چھ وکٹوں کے نقصان پر 352 رنوں سے آ گے کھیلتے ہوئے 406 رن بنا کر آ ل آ ؤٹ ہوگئی۔
زمبابوے کی جانب سے سین ویلمس(107رن)،سکندررضا(72رن)،برنڈن ٹیلر (62 رن)اورموٹومبوزی(33رن)کے ساتھ ٹاپ اسکورر ہے۔
سری لنکا کی جانب سے امبلدیناکو چار،ڈی سلوا کو تین جبکہ لکمل کو دووکٹ ملے۔
