گوتم گمبھیر نے اسٹار اسپورٹس کے شو کرکٹ کنکٹڈ میں اس تجویز پر رائے کا اظہار کرتے ہوئے کہا کہ یہ تجویز بیکار ہے کہ ٹی -20 کرکٹ میں اننگز کو دو اننگز میں تقسیم کیا جائے۔
سچن تندولکر نے ایک وقت مشورہ دیا تھا کہ 50 اوور کی کرکٹ میں ایسا کیا جا سکتا ہے کہ اننگز میں 25-25 اوور کی دو اننگز ہوں۔اس سے ٹاس کی اہمیت بھی کم ہو جائے گی کیونکہ کئی جگہ حالات میں ٹاس کا کردار اہم ہو جاتا ہے۔
50 اوور کی کرکٹ میں ایسا کیا جا سکتا ہے لیکن ٹی -20 میں قطعی نہیں۔یہ ویسے ہی چھوٹا فارمیٹ ہے اور اس میں وقت کہاں ہوتا ہے۔اسے 10-10 اوور میں تقسیم کرنا بہت چھوٹا ہو جائے گا۔
بریٹ لی نے کہا کہ میں ٹی -20 کرکٹ کے حق میں ہوں چاہے وہ آئی پی ایل ہو یا پھر بگ بیش کیونکہ اس میں لوگوں کو کھیل کا مزہ آتا ہے۔
لیکن کچھ چیزیں روایتی بھی ہوتی ہیں اور انہیں برقرار رکھنا ہوتا ہے۔ٹي- 20 میں چار اننگز رکھنا مذاق ہو جائے گا۔ مجھے یہ پسند ہے کہ میچ میں اپنے ہدف کا تعاقب کریں یا پھر اسکور کا دفاع کریں۔
