جوہانسبرگ کے ونڈرار گراؤنڈ میں کھیلے جارہے چوتھے اور آ خری ٹسٹ میچ کے پہلے دن انگینڈ نے ٹاس جیت کر پہلے بیٹنگ کرنےکا فیصلہ کیا۔
اوپننگ بلے باز کراویلی(66رن)اور سیبلی(44رن)نے پہلے وکٹ کے لئے 107 رنوں کی شاندار شراکت کرکے پویلین لوٹ گئے۔
فلینڈر نے کراویلی کو جبکہ ہنڈریکس نے سیبلی کو آؤٹ کیا۔اس کے بعد جو ڈینلی اور کپتان جو روٹ نے اننگز سنبھالنے کی کوشش کی ۔
جو ڈینلی 27 رنوں کے انفرادی اسکور پر پیٹرسن کی گیند پر آؤٹ ہوکر پویلین لوٹ گیے۔
تیسرے ٹسٹ میچ میں شاندار سنچری اور آل راؤنڈر کارکردگی کامظاہرہ کرنے والے بین اسٹوکس صرف دورن بناکر نورٹجے کی گیند پر آ ؤٹ ہوئے۔
کھیل کے پہلے دن کے اختتام پر مہمان ٹیم انگلینڈ نے چار وکٹوں کے نقصانپر 182 رن بنالئے۔
جنوبی افریقہ کی جانب سے فلینڈر،ہنڈریکس ،نورٹجے اور پیٹرسن کو ایک ایک وکٹ ملے۔
واضح رہے کہ چار ٹیسٹ میچوں کی سیریز میں انگلینڈ کو جنوبی افریقہ پر 1۔2 کی سبقت حاصل ہے۔
